قلوب من ريش

البارت السادس

#قلوب من ريش
للكاتبة ضوء القمر

أعذرني وداعتك مابيّه شي يسوه !
شتسوّي بـ بشر ينشــاف بـالگوّه ؟!
شتسوّي بـ بشر من حچوا عنّه وغاب
محّد ظل وراه بـالليـل يتچوّه .
.......
عاصم :بشر دكتور اشلونها
دكتور :أول شي الحمدلله على سلامتها وثاني شي لازم تنتبهون عليها أكثر بنتكم تعرضت لانهيار عصبي وللاسف التحليل طلع عدها شقيقة

عاصم :شنووو شقيقة اشلون
دكتور :للاسف شكلت عدها وهالشي اثر عليها شنو الي صار

عاصم :مااصدك بعدها على صغيرة على المرض

دكتور :المرض ميعرف صغير او جبير المهم انتبهو عليه بعدها عن أي شي يخليها تتعب

عاصم :زين العلاج مراح يفيد وياها

دكتور :الشقيقة متروح بس تحتاج راحة عينكم عليها أي حالة عصبية أو شي يأذيها بعودها عنه

عاصم :ان شاء الله
من خبرني الدكتور حسيت خنجر بكلبي اوويلي عليج واني جان خوفي أكبر شنو الي صار
..رافد هسه تتصل بقيس خلي يجي لازم افهم منه
رافد :صار حجي

عاصم.دخلت عليها لكيتها نايمه بكل هدوئ للي يشوفها يكول هاي جذب مابيها شي بس هي تضم بداخلها حزن ماادري ليش اشوف بعيونها حزن خوفي يوم بعد يوم يزيد عليها خايف اهواي عليها ماادري الايام شنو ضامتلها جنت اظن انو من راح ابعدها تفرح وماكو غير السعادة بحياتها بس الي شفته تحاول تبحث عن الي لازم يبقى العمر مخفي اذا انكشف هنا تصير مشاكل متخلص
اشويه واجه قيس ورافد طلعت بره

...أي قيس كولي وين وديت سماء

قيس :حجي سماء دوم اوديها لبيت صديقتها داليا بس هالمرة طلبت اوديها لدار العجزة

عاصم :دار العجزة ليش وشعدها هناك

قيس :مااعرف أي شي بس من طلعت جانت حالتها حالة وهم طلعو جنازة من الدار واتوقع هو سبب فقدانها

عاصم :دار العجزة وجنازة شسالفة رافد متحجي شو ساااكت

رافد :شحجي حجي اصلا اني ماعندي علم ولا هي مخبرتني أي شي هاي توني عرفت

عاصم :يعني متعرف أي شي ابد استغفرالله اتصلي بداليا اكيد عدها علم عود اني موصيك تبقى مثل ظلها

رافد :هاي السالفة الوحيدة الي مااعرف عنها شي بس قبل فترة طلبت مني ادور على شخص بس مالكيت أي شي عنه ويومها هي اهواي ضاجت ومن سألتها منو هذا وليش تسألين عنه كالت شخص طلب مني ابحث عنه بس سالفة تروح للدار هاي جديدة زين قيس انت من تاخذك متعرف وين

قيس :دوم لبيت داليا واني اعوفها وارجع حسب متطلب مني

رافد :هاي داليا على الخط

عاصم :الو بنتي داليا

داليا :اهلين عمو خير اكو شي
عاصم :اني الي اسأل سماء اليوم وين جانت
داليا :مافهمت غير بالكلية ليش
عاصم :بعد الكلية وين راحت اجت عليج
داليا :لا اصلا هي اليوم كالت تعبانه ورجعت من وكت
عاصم :استغفرالله بنتي داليا بس انتبهي وياي زين سماء من تجيج دوم وين تروح
داليا.شنو الي صاير وهيج يسأل اخاف احجي وسماء متقبل :هاا متروح لمكان
عاصم :دالياا دار العجزة شعدها تروحله
داليا :دار العجزة انت منو كلك
عاصم :يعني الي سمعته صح احجي لا تسكتين ترا مابقى بيه عقل بنتي راح تروح مني