قلوب من ريش

البارت السابع والثامن

#قلوب من ريش
للكاتبة ضوء القمر

كون افقد الذاكرة و تنشال من بالي
و الناس اگولهم عشت بس مات چتالي
....
مهند.انصدمت مااعرف شنو اكول معقولة

لحن :أي خطبت
مهند.رديت :وهيج بكل سهولة تكوليها
لحن :ليش راح يهمك هالشي
مهند :اظاهر نفذتي وصيتي
لحن : انت وصلتنه لهالشي لا تنسه
مهند :منو هو
لحن :بشنو راح يفيدك
مهند :اهواي يفيد يستحقج لو لا
لحن :هه تدري مفترض هالسؤال الك بس للاسف اهواي تأخرت
مهند : ادري تأخرت واعرف اشكد انتي هسه مكسور كلبج وادري بيج كارهتني بس الي بداخلي بس الله يردي بي المهم اتنمالج السعادة وياه

لحن.خاف اني جنت كوة مصبرة روحي هسه اصلا معاد عندي أي قوة حجيت اتصال وياه رد :تدري الي خطبني اربع سنوات هو يحبني وماخله شي ما سواه حتى بس أوافق واني شنو سويت بكل مرة ارفض لان جنت خاله امال عليك وجنت عايشة بحلم وردي اشكد مااوصفه قليل انت مو بس كسرتني لا انت غيرتني مو لحن الي الكل يعرفها انت خلقت مني انسانه قاسية ليش كول هذا هااا اني بشنو قصرت وياك ليش هيج مهند والله حبيتك من كول كلبي وجنت مستعدة اسوي كولشي بس في سبيل اكون الك بس انطيني سبب واحد يشفعلك ولو اعرف كول الزين مراح تحجي وتكول مااكدر اكول ليش حبيتني ليش علقتني انت شنو جان هدفك هااا ليش ساكت احجي بلكي تشفعلك

مهند.تحجي واني سجاجين بكلبي صعبة ياناس ليش محد يقدر الي جاي أمر بي والله عذابي أكثر منها صعبة ادري من حقها تحجي كولشي بس اني شنو ذنبي وهيج صار بيه
..شحجي هو انتي خليتي شي يعني اني صرت انسان مو زين واني لعبت عليج واني واحد حقير وميستحق حبج موو لججج انتي مشايفه الي اني مريت بي لحن لا تتصورين من حجيت وياج ذلك اليوم وكلت ننفصل أحسن تعرفين ليش لان مااريد احد يشفق عليه مااريد احد يكول عليه انت مو كدها مااريد احد ولا أين من يكون اني شنو بيه لللج أيام وليالي اعاني محد يعرف الي بيه فلا تكولين شنوو اسبابك لج اني مو بس جنت مستعد اتزوجج لا جنت مستعد انطيج عمري تعرفين شنو عمري بس للاسف الظروف اقوى مني واشكد مااحاول اتخلصها منها للاسف تسؤء ههه ومن تعدلت وياي فقدتج مااعرف حظ لو قدر مكتوب ماادري بس المهم اني خسرتج وهم خسرت كلشي ..لا تبجين اني واحد اناني لان جنت اظن راح تبقين تنتظرين بس ما فكرت شنو يصير وياج عالعموم اني اعتذر ولو الاعتذار مراح يفيد بشي بس عسى ولو تسامحيني..سكت لان خنكتني العبرة اشكد حاولت ابقى قوي ضعفت طلعت اشتم هوى وخرت التلفون مااريد تسمع شهكاتي اخذت نفس وياريت يطلع كل الي بكلبي وياه حجيت بهدوئ
..لحن

لحن.ماادري منو الي بينه انظلم اني لو هو لو القدر ظلمنه لو احنه ظلمنه نفسنه اربع سنوات حب كانت من اجمل السنوات الي قضيتها لحد ما تغير من يوم  صارله ذلك الحادث الي اهواي امور غيرت بي واخر شي كام يسوي مشاكل علمود بس نتعارك واي حجة علمود نفترق وللاسف فعلا ابتعدنه يمك أكبر غلطت بعمري من قبلت بحسن بس هو سبب الغلط الي احنه بي هسه ادري بجه لو بس اعرف شنو الي ظالمه عني وميكدر  يحجي لاحد من همس حسيت بنضات كلبي زادن