قلوب من ريش

البارت الثامن والعشرين

#قلوب من ريش
للكاتبة ضوء القمر

الطعنه الـتوجعك مــو مـن بشــر مڪروه

من ذاك العزيز الـ روحك تريده
.........

مهند.كل هذا واني صافن على حجيها من وصلنه لغرفة العمليات شفت اهلها ورجلها عرفت عدها ولادة بس ليش طلبت تشوفني دخلت واني كلي خوف ورهبه شفتها مخليها على سديه لابسه ملابس العمليات بطنها كدامها بس وجها تعبان اصفر عيونها ذبلانه جانت مثل الورد هسه ذابله هذا شمسوي بيها ولك هاي روحي داريتها بدمع عيوني جنت اخاف اشوف طيف دمعه بعيونها شمسويلها ولكم ليش الورد يذب. اريد احرك رجليه مااكدر ماجنت هيج اريد جنت اظن من اشوفج محلوة أكثر بس شو العكس شفت شفتج وردة ميته باقي بس العطر .شافتني وابتسمت ذيج بسمتها الحلوة والي بيها خجل تتوسل بعيونها اجيها اخذني كلبي الها بس عقلي وكفه
..لا تنسه تراها مو مثل قبل الي تشوفها راح تصير ام خليك بمكانك واركد يالقلب
..لحن

لحن :ليش طولت تعرف ماعندي وقت اهواي واني ابوك بالوكت حتى اشوفك
مهند.طبعا كل حجينه همس الكادر واكفين على جه ماادري شنو كايله الهم :هاي شنو صاير بيج ليش هيج ولج عفتج وردة مفتحه شذبلج
لحن :مو مهم المهم هسه اكدر اروح واني مرتاحة مهند اني آسفة اريد اطلب منك تسامحني
مهند :على شنو اسامحج لحن اني الي غلطت كام مفترض اني الي كاعد برا ينتظر مووهوو اني الي اطلب سماح
لحن :لا اني غلطت من قبلت بس شغلة وحدة اريد اكولها ماعندي وكت بس ربع ساعة مهند احلفك بكل لحظة حلوة عشانها وكل كلمة حلوة سمعتها منك او سمعتها مني تسامحني اني تعبت واني احاول اطلعك بس للاسف شفت نفسي انسانه عاجزة انسانه امرها مو بيديها ادري راح تكول هيج خنتي رجلج وهي حرام اطمن اني خبرته بكولشي وهووالي قبل يدخلك مهند امانه الي راح يجي امانه اريدك تكون صديق اله ادري صعبة وعلي الي سمعته على اسمه صعبة بس عينك عليه واني اعرف اشلون راح تخلي عينك عليك

مهند :لحن انتي شداتحجين شنو هالكلام انتي الي راح تربي وتكبري وبيدج ادخلي كلية ليش كل هذا ولج وعلي كلبي خلصان لا تزيدين همي هم
لحن :هذا هو مهند خلص وقتي واني مرتاحة كولش اتمنى شغلة وحدة منك تزوج اريد اشوفك مرتاح
مهند.كلامها يأذي اهوواي موتني عبالك اني ناقص وتزيد عليه :لحن اترجاج كافي ويله اني راح اطلع انتظر اطلعين وابنج بحضنج كافي الله يخليج كلبي خلصان
طلعت وودعتها عند الله بوجهي كبل لسيارتي ماانتظرت احد كلبي نار واني اعيد بحجيها مدري احس اكو شي خطأ بقيت ساعات واني انتظر لحد بعد مليت توني اريد ادخل واجتي نفسها الممرضة
..بشريني اشلونها
اشو هاي باوعت عليه ونزلت راسها بحزن هنا كلبي كأن حس
...احجييي ليش سااكت كوولي اشلونها
الممرضة :البقية بحياتك
مهند.من سمعت هيج ضحكت :ههههه شنو انتي داتشاقين موو اكيد ايي اكيد هي كولشي مابيها احجييي مووو توني عفتها مابيها شيي