قلوب من ريش

البارت السابع والعشرين

#قلوب من ريش
للكاتبة ضوء القمر

ياضريح الروح شباچك خنكني
هنه ذني
افراكك وفكدك وحزنك
والجرح والحيف ابد مافاركني
هنه ذني

وضحك سنك وسني
استغربني...!؟
هنه ذني الذكرني وعذبني
.......
ماجد :الي اقصده يابنتي انو انكسرت فرحتج بدل ما انتي هسه فرحانه وتجهزين لعرسج الحزن مخيم عليج

ودق.بابا يحجي واني منصدمه معقولة يعرف هو هم :بابا شنو تكول
ماجد :اعرف مستغربة وائل الله يرحمه طلبج مني واني قبلت كان مفترض انو برجعته نقرا فاتحة مهركم بس للاسف القدر كان اقوى منه الفاتحة على روحه كانت
ودق :يعني انت تعرف ليش ماحذرته ليش خليته يجي ليش مامنعته
ماجد :ومنو كلج مامنعته بس الي كاتبة الله راد يصير شنو اكدر اسوي لو اجه أمر الله بيدي شي اااه الله يرحمه بنتي ادري من حقج تبجين وتحبسين نفسج بس شنو تكدرين تسوين ترجعينه جان غيرنه رجعو موتاهم هو انتو يبنتي مكتوب عليكم حظكم مثل ابوكم

ودق :شنو تقصد مثلك
ماجد :سالفة مااريد احجي بيها المهم هسه الي اريده منج تضمين حزنج بكلبج ملازم احد يعرف بي ادري صعب بس احنه مجبورين

ودق.دنكت راسي خجلانه وميته قهر جرني اله وحضني هنا فعلا دموعي غدرن بيه
...اني اسفه بابا
ماجد :لا تعتذرين  يروح ابوج يستاهل الواحد يبجي عليه وائل بعشر زلم بس الي غدرو بي اشباه الرجال الله كريم ان شاء الله عن قريب ناخذ بثاره
ودق :ان شاء الله
ماجد :شوو خلي اشوف صدك جذب هاي شنو شمسويه بقميصي خررب
ودق :شنوو ممسويه شي
ماجد :أي خوش عليج شووفي الدموع لج هاي كلها دموع ادري وين جنتي ضامتهن
ودق :من صيحت ماما عليه
ماجد :ههه وهنا كتيتيهن مو بله مدام هه فديت بنتي ودق بابا لا تزيدين هم امج خطية كافي عليها اني متحمله عصبيتي واخوج الي كل احنه متأذين عليه انتي خليج اقوى منه خليج وياها مو عليها
ودق :ان شاء الله بابا تدلل
ماجد ربي يحفظج بنتي الله يرحم بكلبج امشي خلي نشوفج اخوج الشفيه اجه لا

ودق.طلعنه :منو تقصد فروس
ماجد :ليش اكو غيره هالعار مكيضها كلها يم عمتج
ودق :هه أي خطية

ماجد :ليش يابه خطية شمسويله هاا اجه ولك هي عار انت متركد بالبيت ابد

فراس :يالله توني دخلت سالمين حجي شكو
ماجد :ولك اركد بالبيت شوف اهلي شيردون ميردون ادري لعد ماعندك شغل وعمل مكيضيها يم عمتك
فراس :وين اروح حجي عالاقل ويه الولد اكضي وكت هم كول عدهم بنات واني ماادري
ماجد :اكدر عليك المهم قلل روحاتك شسالفة
فراس :يعني اشلون ماكو غيري
ماجد :أي لعد منو اكو اخوج الجبير بعيادته وهذلك زين اذا شفناه عالاقل انت موجود بغيابنه
لمياء :ولو يخوي اني مستفادة منه بس حقك صح البيت يحتاج رجال بي
ماجد :بشنو مستفادة منه ليش هو يفيد بغير سوالف الضحك والشقه
لمياء :هه لا حاله حال الي عندي بس جنت عند ثلاث جناين هسه صارو اربعه الحمدلله شايلات البيت كله