قلوب من ريش

البارت الأربعين والأخير...:

#قلوب من ريش
للكاتبة ضوء القمر

كون تنضمين بعيوني برضاتچ

ما أريد أحد يشوفچ
مو لأن شرقي وغلاتچ

بس صفنتلها وشفتها
ماكو واحد غيري يستاهل حلاتچ
........
(شكرا لكل من تفاعل وتحملني بالتأخير هذا البارت الاخير طبعا كلكم راح تكولون مختلف عن باقي نهاية ذيج القصص فعلا اني حبيت انو اغير هالمرة الحياة تجارب وحرب وياها والسعيد الي كدر يطلع من الحياة وهو مرتاح البال .كل القصص تكون نهايتها سعيدة في الواقع راحة البال لم تخلق لابني آدم والواقع شي والخيال شي آخر ..طبعا اكو مفاجأ راح اخبركم بيها بنهاية البارت )
.....
بعد مرور اشهر

غسق.طبعا علاقتي ويه فراس صارت احلى وخاصه بعد مخبرته بمرضي يخاف عليه من كولشي صح امه وابوه يعرفون بس ابد محد اذاني بكلمة او موقف ونور مثل اختي وأكثر وياي والولد هم علاقتي بيهن قوية حماواتي يخبلن نجد اصلا قليل تجي بس حبابة كولش مالها دخل بشي اما ودق هاي نسخت فراس نفس طبعه شقه وكذا حبابة جان البيت هي وفراس ميهدئ من كد شقاهم بس من تزوجت صار هدوئ صح فراس والولد مو اشويه بس أكثر شي كان ويه ودق ومن تجي علينه يگبلون البيت هوسه وشقه وعمي مرات يكتلهم طبعا صار على زواجنه ثلاث اشهر مرة سألتني نور اذا عندي حمل او لا
..نور راح اكولج على شغله
نور :أي حبي كولي
غسق :الدكتورة كالتي انو اني اكدر احمل بس تخاف عليه من انو اتعب او يصير عليه شي
نور :لحظة لا تكوليلي انت مريضه
غسق :أي اني كلبي ضعيف
نور :شنوو لا صدوك يعمري هاي مت اشوكت
غسق.حجيتلها السالفة كلها :وهذا الي صار اني اريد طفل
نور :انتي صدوك تحجين غسق حبيبتي اهم شي صحتج لو نفرض فراس قبل وحملتي والحمل تعبج اشلون بهالحالة
غسق :نور ليش محد يفهمني اني اريد طفل يعني امي متقبل ابوي هم اخواتي وحتى فراس ميقبل تدرين جابلي حبوب منع بس مرات اشرب ومرات لا بس آخر فترة كام يراقبني اخذ او لا اصلا اني متأكدة منه انو علاقتنه بدون أطفال
نور :تقصدين أنو هو مانع هالشي لان يدري بيج تدرين ومن خوفه يكول اني اخذ احتياطي
غسق :وهسه اشلون اريد لو طفل واحد بس ومن الله يرزقني نسوي عملية
نور :غسق ترا الموضوع مو موضوع عملية انتي خلال الحمل احتمال يصير عندج مضاعفات خاصه اذا كان جسمج بنيته ضعيفه
غسق :اسوي كولشي بس المهم يصير واحد فقط و الله مااطلب غيره
نور :والله ماادري شكولج من حقج هالشي بس هو يخاف عليج كل احنه نخاف عليج لا سامح الله لو صار شي الطفل منو اله
غسق :ادري و الله لكولشي حسبت وفكرت تدرين شنو آخر شي قررته
نور :شنوو
غسق :اخلي يتزوج
نور :انتي خبللة شنو تزوجي من صدوك تحجين
غسق :لعد يبقى بدون طفل من حقه يشوف اطفاله ويصير عنده
نور :لالا غسق اياج تفكرين بهالشي ساامعه شيلي هالسالفة من راسج ان اي متعرفيهم من يحبون زواجاتهم ميحبون يعددون حتى لوما كان عدهم اولاد عوفي هالسالفة
غسق :اشلون حجي هذا
نور :هسه على شنو مستعجلة مصارلكم اهواي كملي كلية وبعدها تناقشون بالموضوع متدرين الله شنو قاسملكم