قلوب من ريش

البارت الخامس والثلاثين

#قلوب من ريش
للكاتبة ضوء القمر

عـمرك فات
ليلك ماهـو مثل الليل
ظلـمه ولا الك نـجمات

لا واحـد يـغنيـلك
ولا شـباچ من يقرأ الـنسيم الـبيك يـوميلك

........

وائل.طلعت ويه زيدون اشوف شسالفة طبعا وصلنه الخبر من السجن المركزي لان بعد ماعرفو بموتي القضية تعلقت ركبت سيارتي واني معصب فوول
..كوولي شنوو الي صار
زيدون :سيدي وصلنه خبر من الملازم عامر انو صاير عركة همه الثلاثه اساسها مدخلين كم واحد من السجناء وصاير غدر باحد الثلاث
وائل :متعرض لشنوو
زيدون :طعن بخجر
وائل :لحظة منين اجاه الخنجر شنو معقولة مدخلين وياهم اسلحة وين الجنود عنهم شنو هالتخاذل
زيدون :سامع هيج حالات عن دخول أسلحة
وائل :اكيد راح يسمحون اذا حضرتهم شافوو الفلوس عمت عيونهم من العمه ان شاء الله ذولة مفترض يحالون مجلس تحقيق
وصلنه للمستشفى لكيناه مسويله عملية عليه حراسه مشدده دخلت كان الدكتور واكف يمه
..السلام  عليكم

الدكتور :وعليكم السلام اهلا سيدي
وائل :شنو وضعه
الدكتور :نكدر نكول شبه مستقر الجرثومه مأذيته اهواي
وائل.هذا شيحجي :دكتور تعرض لطعنه لو شنوو
الدكتور :هو فعلا متعرض لطعنه بخنجر ومسببه اله نزيف قوي وايضا الجرثومه الي بداخل منفجره بداخل بطنه لان كانت عبارة كتله من الدم الفساد

وائل :عجيب مامات ولو العارات متموت المهم حالته

الدكتور :حتى وان كان سجين من حقكم تهتمون بصحته يبقى بشر
وائل :من فعلا يكون بشر ذلك الوكت يستحق بس هوو يعرف نفسه شنوو المهم دكتور عالجو مااريده يطول هنا
الدكتور :بقت يمكم بعد مااكدر انطيك موعد اشوكت ماتتحسن حالته ذلك الوكت اكدر ارخصه
وائل :تمام
اباوع عليه شكله مقزز خررب صدك نور محمد مابي الله يلعنك

ملازم احمد :تحياتي سيدي
وائل :اهاا ملازم احمد اهلا بيك متوقعت جيتك
ملازم احمد :سيادة العميد دزني عرفنه بالحادث الي تعرضله انت تعرف بي اله دور مهم بالقضية ولا تنسه ابن منوو
وائل.باوعت واني منقرف :خلي نطلع أحسن مااحب هيج ابقى هنا
..كوليي هالعركة اكو مسبب الها لو مجرد حادث
ملازم احمد :حسب الي وصلنه انو مجرد عركة صارت فجأة
وائل :وانت تريد مني اصدك هالحجي ملازم احمد تعرف واني اعرف القضية من يوم مارجعت انفتحت زادت سالفة العركات تتوقع الموضوع هييج
ملازم احمد :ويعني وين اريد توصل بكلامك
وائل :واضحه السالفة اكو ايد وره هذا كله ولازم اعرفه
بعدها رجعت للمقر واتصلت بثابت
..شيخ ثابت اتوقع متفقنه على هيج
ثابت :وعليكم السلام شنو الي متفقنه عليه
وائل :انت تعرف بالي صار اليوم بالسجن اكيد وصلك خبر
ثابت.كاعد بمكتبه وهو مسترخي على الآخر والجكارة بيده :أي وصلني والمطلوب
وائل :الك ايد بالموضوع لو لا
ثابت .حجه بكل هدوئ :اسمعني سيادة الرائد اني لو اريد اخلص عليهم كدام عينك يعني ميهمني شي بس كلتك انت اختار وللاسف اختاريت الاصعب
وائل :شنوو تتوقع السالفة هيج هيته اسمعني أكثر من طرف بيها معناها ركاب تروح
ثابت :وهو المطلوب هيج سيادة الرائد لو انت مختار تنطيهم الي مكان صار كل هذا ووفرت عليه وعليك بس انت اختاريت الاصعب وكل هذا يأثر عليك
وائل :اكيد يعجبك هيج بس بنفس الوقت اني الي اتضرر شيخ ثابت انت داتدخل بشغلي هيج راح اطولها عليه وعليك
ثابت :اني مدخلت لو مدخل صدك كان هسه همه بجهنم بي مخليك على راحتك بس انتبه اقل غلطة منك انت تعرف شمنتظرك