قلوب من ريش

البارت التاسع والثلاثين

#قلوب من ريش
للكاتبة ضوء القمر

‌‏ياطير المحنه
هم سمعت بطير
ماهزه الحنين لديرته وعشه
........
فراس :اي يابه اسمعك
ماجد :اسمعني فراس غسق حب حياتك واكيد مستحيل بيوم تتخله عنها حتى لو صارت وياها ظروف انت راح توكف وياها
فراس :اكيد هالشي وخاصه هي مرتي هسه بس ليش هذا
ماجد :شوف فراس غسق من كانت صغيرة كانت مريضة بس مسويلها عملية والحمدلله متحسنه عليها بس الي صار خلال كم شهر الي راحن تعرضت لحادث وكلبها تعب بين قوسين فراس ابني ارفع راسك وباوعلي احتمال انو صعب عليكم تخلفون وهالشي مو بيدكم مااكولك متكدر بس نخاف لا تروح من ادينه الفترة الي راحت هي اهواي تعبت وهم جانت نايمه بالمستشفى يعني عينك عليها لا تأذيها ولا تكون قاسي وياها والحياة نتطي فرص خلي املك بالله جبير لا تكسر خاطرها ترا يكون بعلمك ابوها مكان قابل على سالفة علاقتها بيك بس من خوفه عليها قبل عنده بنته روحه من الدنيا يخاف يفقدها لو بعدك عنها ادري نتمنى لوما سامع هالحجي هسه مني وادري بيك صارلك فترة وانت متخليت شي بس علمود تعرف شسالفة واني مخبرتك لان مردت تفكر بشي تتندم عليه بعدين
.داتسمعني

فراس.ابوي يحجي واني ارتب بالاحداث واجمع واشكد غابت فعلا هي اختفت بشكل كولش عجيب شهر واكثر اشكد طلبت منها تحجي بس جانت دوم تكلي يجي يوم وتعرف كل الي اريده هو وجودي وياك. كلام ابوي ماادري اجه بوكته لو كسر فرحتي اشكد جنت باني على هالليلة اشكد جنت احلم بيها هسه انكسرت هالفرحة اشكد بنيت احلام واطفال معقولة افقد هالشي. اخذت نفس وحسيت بشي خانك على صدري لا اكدر أتركها روحي بيها هاي مو بس حبي لا هاي العشق هاي الي حلمت بيها اشلون اعوفها مستعد اسوي كولشي بس المهم تكون هي بخير .التفت على ابوي :أي حجي اسمعك ماادري بس كسر فرحتي كلامك لوما معدي هالليلة

ماجد :خفت لا يصير شي وتخسر كولشي

فراس.حجيت بحزن :هيج حالتها خطرة حتى بالعلاقة ممكن يصير عليها شي

ماجد :هاي مااعرف بيها بس الحذر واجب

فراس.غمضت عيوني وكلبي عصرني وخنكه بيه اتمنى الغي كولشي واخذها ونبقى وحدنه واظل صافن بوجها لحد ماهي تحجي لو يصير شي خايف عليها بس انجرحت كان مفترض تكولي حتى اكون مستعد ليش هيج اكو واحد مثلي قبل مايزفو يخبرو بهيج خبر و هاي بس اني :تمام تريد شي بعد حجي

ماجد.الحزن بين عليه من غير الحيرة ماتمنيت هيج يصير جنت اريد الفرح دوم بحياته بس هو ابن منو بعد :فراس اسف يولدي مفترض هسه انت فرحان بس ضيعت فرحتك

فراس.ادري خايف عليه ابتسمت بوجه وحاولت ارجع فراس ابو الضحك وأبو سوالف الشقه وكذا :شسالفة حجي صدك جذب هاي اني كدامك كولشي مبيه يله حجي خلي نتوكل وتعال زف ابنك. بست من راسه وطلعت قبله بس شنو دخلن للمكتب انسان كله فرح وسعادة طلعت انسان مهموم اكو شي بداخله مكسور