#قلوب من ريش
للكاتبة ضوء القمر
لم أَعلم يومًا أَن الخُذلان قاسي جدًا لدرجة أنّ
تشعر بالشفقةِ على نفسِك.“
.....
رافد :اشلون يعني حجي
عاصم :ااااي يرافد متوقعت راح يموت وهو هم غلط مثلي جنت اتوقع راح يجي يوم ويكول اريد اشوفها اعرف اخبارها
رافد :ليش الحجي جان يعرف بيها عايشه
عاصم :قبل ثلاث سنوات عرف وتوقعت راح يسأل بس للاسف هو هم طلع نفسهم
رافد :بس اشلون عرف
عاصم :ميحتاجها شي مجرد مايعرف انو اني مسجل بنيه باسمي وهم يعرف كل الزين اني ماعندي بعد اولاد العجيب بالموضوع انو واجهني لسه أتذكر ذلك اليوم
قبل ثلاث سنوات بيوم جنت بعرس ابن احد اصحابي والحظ جمعني بحجي عمران الي صار مجنت اريد اسلم عليه بسبب الي صار بينه بس من مشيت من يمه وكفني بكلمته
عمران :اشوكت ناوي تخبرني بانو حفيدتي بعدها عايشة
عاصم.انصدمت هذا شدراه :شتقصد بكلامك
عمران :تعرف كل الزين شقصد احجي عن الطفلة الي كلت عنها ماتت وهي بعدها عايشة
عاصم :منو الي خبرك بهالحجي
عمران :مو مهم منو كلي المهم عرفت
عاصم :وبشنو راح بفرق اذا عرفت او لا راح بغير شي
عمران :لا بس اريد سبب حجيك انو ماتت
عاصم :ماتوقع اكو شخص إلا حقه بيها انتو تخليتو عنها من أول لحظة ماكو داعي لكلامك حجي
عمران :حتى وان كان مجان لازم تخبرنه مو تعلن موتها
عاصم :مراح يفرق بشي ان خبرتكم لو لا وهالشي خاص اتوقع انو بنتك هي الي تنازلت بكل سهلة مو من حقك هسه تجي وتكول ليش ماخبرتنه
عمران :عالاقل نعرف انها موجودة مو تخفي هالشي
عاصم :اسألك سؤال انت لو عرفت بعدها عايشة ولا كلت انو ماتت شنو تسوي اكيد مراح تسوي شي وخاصه انو بنتك مو كفو لهيج طفلة فرجاءأ لا تحجي بهيج مواضيع دخلنه بالمعروف وطلعنه هم والطفلة ماتت وخلاص ماكو شي يربطنه
عمران :والطفلة الي هسه هي شابه شنو موقعها
عاصم :أتمنى انو ماتسال لان هالشي صار شي خاص بيه فقط أي شخص ماله حق بيها البنيه باسمي عايشة باحسن حال ماتحتاج شي ..
..من ذلك اليوم توقعت ينتازل ويسال بس للاسف اليوم مات وهو ماكلف نفسه حتى يطلب لو يشوفها او يعرف شي بسيط عنها
رافد :فعلا ضيعو جوهرة نادرة من اديهم المهم هسه راح تروح اكيد للفاتحة
عاصم :أي الموت مابي أي عذر او حرج بغداد موو
رافد :أي نعم هسه شيعو الفاتحة تكون باجر
عاصم :الله يرحمه ويغفر له بس لو غيره يتعض
رافد :إن شاء الله حجي اا أي تذكرت البيت كمل وبقه بس اغراضكم
عاصم :تمام بس خلي تطلع ويمر كم يوم وبعدها ننتقل لان المكان هنا راح يأثر عليها اهواي وهالشي مااريده
رافد :إذا سألت ليش انتقلنه بشنو تجاوبها
عاصم :شغل عندي رافد رحمه لوالديك جيبلي بندول راسي راح ينفجر
رافد :سلامتك حجي فد لحظة
عاصم.جابلي وشربت نمت اشويه علمود اروح لان مااكدر اعوفها والحجية الي بس تبجي عليها هم خطية
...يله حجية وين صرتي
زهرة :هياتني عيني اجيت
عاصم :أي مو تأخرنه
زهرة :هاي كملت يله
عاصم.ركبنه السيارة وطلعنه
..حجية بعد مااوصيج لا تحجين أي شي
زهرة :اووف يمه منين اجاج هالحادث لا اطمن مراح احجي اشلون احجي ااه الله يهديك يمه احسان
عاصم :منين تجي الهِداية وهو راكب راسه متكولي حجية خليني ساكت كل الي صار من راسه اااخ على تربيتي هيج حظي الي عبالي خوش اب
زهرة :حجية ترا احسان زين بس غير هسه مدري شجاه
عاصم :يازين حجية ابنه أحسن منه هسه اسكت مااحجي إلا اخرب كلشي ابنه ولج ابنه علي يعتذر منه وهم من يحجي منزل راسه خجلان من تصرف ابوه لا حول ولا قوة الا بالله العلي العظيم
أنت تقرأ
قلوب من ريش
عاطفيةتحكي قصة فتاة عاشت طول حياتها في كنف والديها الذان ظهرا في بادئ الأمر هكذا ولكن تكتشف انهما جديها تعيش بسعادة لكن لا تدوم لها وتخسر الكثير في ان تحصل على راحة البال فهل يدخل العشق قلبها ليوقض تلك الأنثى الرقيقة من سباتها
