قلوب من ريش

البارت الرابع

#قلوب من ريش
للكاتبة ضوء القمر

هلي شچم دوب اظل احسب بالسنين؟
و اعيش بصبري مرة ومرة بالخوف
......
سماء.انصدمت همه كالو راح يجون بس متوقعت هسه
..الحمدلله على سلامتكم

عاصم :الله يسلمج بنتي شنو طالعه

سماء.بست ماما اوفييش على ريحتها :اا أي جنت اريد ارجع

عاصم :شنو شكلتي

سماء.رحت كعدت يمه :موو تمارا رايدتنه يمها صار وياها ظرف

عاصم :حتى وان كان مترجعين هسه نرجع سوه

سماء.اني يم بابا مااكدر اناقشه وهم فعلا اني اذا رجعت شنو بيدي اسوي
..صار بابا آسفة

عاصم.شفتها وعيونها الف سالفة اااه يعيونج الي احير بيهن ومااكدر اباوعلهن خايف انكشف فتحت اديه :تعالي يروح ابوج مشتاقلج اهواي

سماء.اشكد احب حنيته كافي نظرة عيونه تسولف الف قصة حنان :فديتك يغالي ربي ميحرمني منكم

زهرة :ههه ولا منج يمه عبالك مو يومين صار سنه عبالك

سماء :أي والله ماما كولش ضايجه لان وحدي بعد لتسوها ماشي

عاصم.واني اكرصها من ارنبه خشمها :هي بس هالمرة وبعد ماكو اطمني

سماء :إن شاء الله
الظهر طلعنه نتغدة طبعا اتصلت بداليا واعتذرت كالت راح تبقى هي يمها بس بالي يمها ولو متأكدة من مصطفى ميعوفها لو يعرف يجيب عشاير المهم ميعوفها انتبهت بابا تجي اتصالات اهواي وهم كل اشويه يطلع مدري بس حاسه اكو شي بس مااريد اخرب هالسفرة بس مدري ليش احس مراح ارتاح بعد هالسفرة

....
باسل :علي اخوك سرمد وين

علي :يعني متعرف يتخبل من من الطلعات لو جديد عليك سوالفه

باسل :استغفر الله ادري هذا إلى متى يبقى هيج يعني يحبس نفسه اخوك خبل

علي :حقه عمي لا تلومه احنه منحس بالي يحس بي من هين عليه ميكدر يمشي واربع عمليات تفشل

باسل :لا حول ولا قوة الا بالله أي وياك بس مو انقطع عن العالم لازم يتعايش ويه الوضع هاذا أمر الله شنو بيدنه

علي :هاي بعد الحمدلله المشكلة صاير عنودي وهم ميقبل احد يدخل باي شي يسوي ولا يطلب منه نسويله شي ذلك اليوم همزين ماوكع من حافة الباب ومن ساعدته كام يصيح بوجهي المشكلة منكدر نحجي شي كل هذا متحملين علموده

باسل :لا حول الله زين والمعالج النفسي بعد يجي

علي :صار اسبوع مجاية وهم هو ميقبل يتصل عليها

باسل :الله على العناد

....
سرمد :وخرري عني اني مو كلت مااريد احد شكووو جاية