قلوب من ريش

البارت العاشر

#قلوب من ريش
للكاتبة ضوء القمر

وارد متعوب بس شلون ردة
جبل يحتاج لي موبس مخدة
قهر يشبع فراشي لحالتي هواي
الوحيد الشاركاني التعب وحدة
الله يساعدك، ما سامع سنين
ولا ايد الاجت گالت اسندة
ارد..ماباقي حيل يغمض العيون
منين الحيل ادور ياهو عندة
........

عاصم.مجرد ما كملت كلامي وصار صياح بين الولد اني كل همي سماء كل ذولة ماهموني هي وبس اباوع عليها طول مااني احجي ساكتة أي كلمة مانطقت وهم بس ترجف خايف عليها تتأذه لان الشقيقة تهيج عليها وعيونها الي جانت مثبتتهن عليه احسها تكلي كول هذا جذب خيال كابوس عيونها الف سؤال بيهن بس للاسف مااكدر اكول غير الحقيقة الي انتي اجبرتيني احجيها من شفت خشمها طك دم تخيلت وشفت بدت تفقد ركضت عليها وكعدت بيدي لا حس ولا نفس
...سمااااء بنتي اصحي

مهند :جدي هاي فقدت
عاصم :سماااء اكعدي افتحي عيونج بسرعةةة مي
وائل :جيبو عطر بسرعة وددددق يلله
عاصم :لا بنتي لا لا تفقدين بس اصحي والله اصلح كلشي بس افتحي عيونج

زهرة :يمه بنتي لك عاصم كوم شيلها خلي ماخذها للمستشفى

احسان :شنو هالهمزله هاي
عاصم.لني منا منهار عليها وهذا العار الي مايتعدل ابد :جببب لا حرف اسمع منكم ساامعين
وووين صاالر المي سمو بنتي شو اكعدي لا تشلعين كلبي

وائل :انطيني جدي
سبحان الله البنيه كلها على بعضها ترفه حقه جدي يخاف عليها اني من يمي حسدتها شممتها عطر مدري ليش حسيت بالظلم الي راح تشوفه بعد محاولات اهواي بدت تصحه بس شنوو مو عيون شايله سمه الله بيهن

سماء.بعد مافقدت ماادري اشكد بقيت بس تمنيت كل هذا حلم واكع منه بديت احس بعطر قوي وقطرات مي على وجهي وادين اعرفهن أي هذني ادين الي ربني من الصغر هسه كمت اخاف منهن لان الكل يريد نهشي فتحت عيوني ولحد هسه عندي امل انو كل هذا جذب أول شخص كان هو الي خلقته الف عذر حتى بس تبقى صورته نفسها بعيني بس للاسف كسرتي اجت منه الف سؤال ببالي ماادري بيمن ابدي وياه

عاصم :باباتي انتي زينه

سماء.الكل يباوع عليه اشكد اشوف خوف بعيونهم خوفي أكثر بعدت عن الي مااعرف هسه ابوي لو جدي سندت نفسي بنفسي ماخليت احد يساعدني مااريد من احد شي كافي الي اني بي

عاصم :سماء وين انتي بعدج تعبانه اكعدي
سماء.تخاف عليه ايي الي جاي يشفعلك هو طيبت كلبك اشكد احاول اقسي بس مااكدر التفت عليه وهمه كلهم واكفين وياه وعينهم عليه الي مشفق عليه والي يباوع بحقد هه ماادري اشلون كدرت احجي بس جان عندي سؤال واحد تكلمت بصعوبة جسمي كله يرجف

..سؤال واحد بس جاوبني عليه اني بنتك لو لا

عاصم.من سألت طلقة بنص كلبي غمضت عيوني بقهر بس ليش انقهرت واني الي تعبت
..اني ابوج وانتي بنتي اني الي تعبت وسهرت وربيت وكبرت وكلشي محد اله حق بيج غيري اني وامج