قلوب من ريش

البارت الثالث والثلاثين

#قلوب من ريش
للكاتبة ضوء القمر

حتـــى
لــو ما بـــيڪ ٲمـــل
واعــدني بـــيك
ازرعــلي صــدفة
بڪــل درب  يمڪن اجيــك
.......
وائل.بعد ماودعت الشيخ ثابت الي ماكدرت اعرف عنه شي ركبت بالسيارة بس قبلها شدو عيوني ليش هاي هم نقطة عليهم المهم مشينه اشكد ماادري بس الطريق طويل وهم وره مدة نزلو راسي هنا خمنت انو مرو من سيطرة او جماعة وهم بقيت منزل راسي فترة اصلا لوما يحجون جان نمت من كد ما الطريق طويل رفعت راسي وفتحو عيوني باوعت احنه على طريق بغداد أي بس معقولة كنه بالكركوك باوعت على الساعة صار ساعتين ونص احنه من طالعين والطريق بين كركوك وبغداد اربع ساعات منطقة الي كنت بيها اقرب بعد ساعة وصلنه بغداد ودخلنه قريب على بيت اهلي اشلون عرفو كل هذا عني معناها اذا جنت لو مخلي فكرة انو ماانفذ الي طلبو باي لحظة الكاهم فوك راسي نزلت من السيارة وهم طلعو بسرعة حفظت رقم السيارة وهم كان رقمها مو بغداد ولا كركوك ولو مكتوب عليها كركوك المهم من دخلت معلكين صورتي

..يااسلام هسه شنو ارجع لو اكمل خرب بحظي هسه هذولة اشلون اقنعهم بعدني عايش الف فكرة ببالي اشلون راح يكون حالهم من يشوفوني وصلت يم بيتنه حاير اشلون عليهم فكرت اروح لخالي علمود يمهد الموضوع الهم هيج مااستغرب لو صار بيهم شي من الصدمة همزين جهازي وياي فتحته واخذت سيارة واتصلت بي أول بداية مارد ليش ماادري ولو حقه بعدين رد عليه

ماجد :الوو نعم منو وياي
وائل.شنو السالفة معقولة مغيرين الشريحة :سيادة العميد الركن ماجد عاصم

ماجد.هالصوت مو غريب معقولة مااصدك كعدت مفزوع :ااانت ووائل
وائل :أي سيدي بس على كيفك لا يصير بيك شي اهدئ
ماجد.مااصدك لعد الي دفنته منووو :شوف كلبي تعبان احجي انت منووو
وائل.استغفرالله هاي اشلون سالفة :سيدي صدك تحجي زين اني جاي هسه وانت تعرف بنفسك اني خلال عشر دقايق وواصل المقر
ماجد :تعرف العقوبة هالشي سجن لان انتحال شخصية

وائل :أي ادري
سديته لان فعلا ضجت هاي ورطه واعرف كل الزين  راح اتعب وصلت للمقر ودخلت طبعا فكرت أي شخص راح يشوفني منصدم لبست كمامة ودخلت واكيد متدخل إلا تعرف عن نفسك زين اذا انطي هويتي محد راح يصدك المهم حجيت انو اني جاي اقدم بلاغ ومن هالحجي ودخلت اكو بيهم استغرب مني وصلت لمكتب خالي دكيت الباب أجاني الاذن دخلت جان كاعد وراسي بين اديه سديت الباب

..تحياتي سيدي العميد
هو من سمع صوتي وكف على حيله والدهشة بوجه

ماجد :استغفر الله واتوب اليه وائل
وائل.نزعت الكمامه والابتسامه على وجهي :كيف حالك سيدي
ماجد.اني مغلطان أي هذا ابن اختي هذا وائل :اكو شي طلبه مني وائل كان قبل الحادث بليلة تعرف شنو

وائل.ابتسمت اشلون انسه ذيج ليلة من طلبتها وهو كلي الجواب عدها :اكيد واني رجعت اطلبها رسمي
ماجد :تعال يالغالي ممصدك عيوني رجعت من الموت
وائل.تشابكنه وأول مرة اشوف الدمع بعيونه صعبة تشوف قدوتك ومثالك يبجي كدامك :ولو انتو ماقصرتو مي ورد وكبر وفاتحة لا وهم صورة معلكين بس ميخالف انتو شمدريكم