#قلوب من ريش
للكاتبة ضوء القمر
عاتبيتك
چن طفل روضه وغلط غلطه
عليمن حاسبتني سنين وسنين...!
.......(طبعا اعتذر كولش بس عندي ظروف والنت انقطع عندي بالأسبوع الجاي راح ارجع )
مروان :هاي شكوو جوة
فراس :انت اثول غير اني واكف وياك امشي خلي نشوف لا يفضوحه
مروان :وغسل ولك هالصوت مو غريب عليه
فراس.دخلنه للبيت وانصدمنه بعمي احسان الي دايصيح والصدمة الجبيرة هي من شفت سماء هاي شجابها خرب بالحظ واني اكول عمي ميصيح هيج
...خررب هو هذا وكتها تجي اشلون تجي
مروان :ولك هاي راح تنهي روحها باديها وخالي اشبي هيج مزودها ترا بنته رضه او لا شنوو هالخربطة بعد
فراس :على أساس متعرف خالك من يحط شي براسه هاي هم حظها الفكر ادري شجابج
مروان :اكلك شنو شجابه غير فاتحة ابن عمتها مابيها شي
فراس :ادري مابيها شي بس هي ظرفها وحد وانت اعرف بحالها مشوف اشلون حاد سنونه عليها
مروان :خالي رافس النعمة برجليه هو الي عنده هيج بنيه هم يسوي هيج
فراس :ولك راح يفضحنه
طبعا صوت عمي مااحجي عنه من يعصب بعد هذا هو ولو احنه كلنه عدنه خيط خبال اقصد خيط عصبية ابوي ادخل
احسان :هااي شتسوي هااا موووكافي الي صار بينه
لمياء :على كيفك خوية مووهيج
احسان :انتي اسكتي احجي وياج طلعي لسانج ولج حرام بقيتي عايشة ولج انتي فكرر علينه
سماء.بعد مارجعت للبيت طبعا مقبلت ارجع لكربلاء واصريت ابقى هنا لان مشتاكله لبغداد وهم فكرة اروح طبعا بابا وماما ماشفتهم بقو هناك ثاني يوم الصبح بعد سهر طويل ويه الليل وصراع قررت اروح للفاتحة ادري راح تصير مشاكل بس بعد قررت إلى متى ابقى خايفة لازم اواجه الخوف لبست اسود كله واخذت السويج همزين السيارة الثانية موجودة ركبتها وطلعت أتذكر عنوان البيت شفت اكو ناس اهواي واكفة سفطت سيارة من جهت المدخل الثاني للبيت ويمكن مابقت آية تعتب عليه بس شنو الخوف يقرا الف نزلت من السيارة والحمدلله من دخلت طلعت بوجهي بنيه
..سلام عليكم
ودق.طبعا تعبانه كولش حيلي كله راح كوة امشي مااحجي على الليل اشلون كضيته ثاني يوم الصبح الفاتحة جبيرة ونسوان اهواي والملا تقرا دخت والخنكة كتلتني طلعت برا انصدمت من دخلت بنيه من الباب الثاني والصدمة الاكبر طلعت سماء
..سماااء
سماء :انتي تعرفيني
ودق.خرب هو اني ناقصة :انتي منو جابج
سماء :اجيت وحدي المهم تعرفيني
ودق :تعالي ولج لا احد يشوفج
اخذتها وياي وره البيت بالحديقة الثانية
احجيلي شجابج انتي ميصير تجين تعرفين
سماء :شنوو ليش الي عرفته الي توفه ابن عمتي واجيت للفاتحة
ودق.غمضت عيوني بقهر :ليش انتي تتذكرين شي
سماء :لا مااتذكر شي بس عرفت ليش متردون اجي شنو الخطأ بالموضوع
أنت تقرأ
قلوب من ريش
Romanceتحكي قصة فتاة عاشت طول حياتها في كنف والديها الذان ظهرا في بادئ الأمر هكذا ولكن تكتشف انهما جديها تعيش بسعادة لكن لا تدوم لها وتخسر الكثير في ان تحصل على راحة البال فهل يدخل العشق قلبها ليوقض تلك الأنثى الرقيقة من سباتها
