قلوب من ريش

البارت الاول

#قلوب من ريش
للكاتبة ضوء القمر

كلهن ضگتهن ما طحت
ظليت ذاك الـ من يجي
تتنابس عثوك النخل
هذا ابو الراس العالي

.........
..دوم افكر واكول ليش هالغموض شنو الي ضامينه عني وهم طالعاتهم الي ماادري عنها اهواي استغرب من على فجأة يطلعون وهم ثاني يوم يله يرجعون ومن اسأل كالعادة عنده شغل او يم اصدقاء اشكد حاولت اعرف شسالفة ماكو أي نتيجة المشكلة من يطلعون ماادري بيهم وره ساعة او اكثر يله اعرف

..كاعدة بالحديقة واليوم هم عرفت طلعو وهم خبروني راح يتاخرون شسالفة ماادري ليش هيج

رافد :انتي زينه

.انتبهت على رافد :ايي زينه بس تعال كولي اهلي وين راحو هالمرة واذا كولت مااعرف مراح اصدك

رافد :صدكيني هالمرة ماعندي علم

..تدري لو عرفت انو عندك علم ساعتها مو خوش تصير

رافد.استغفرالله حقج بس شنو بيدي :اعرف بس اطمني ماعندي أي علم زين شنو رايج نطلع تغيرين جو

..صفنت بي فعلا اني محتاجه ارتاح واغير جو بس مو هيج :وين نطلع

رافد :مااعرف انتي وين حابه

..اممم ماشي على الشط

رافد :تمام راح اجهز السيارة

..عفته ودخلت للبيت اباوع على كل ركن بي من اني صغيرة واحس بشعور غريب اشكد حاولت اعرف شنو السبب ماطلع وياي أي شي مدري ليش احس انو في صدمة قوية اتعرضلها صعدت لغرفتي غيرت ملابسي لبست جبنز ابيض وقميص اسود طويل سيلفي وشال وحذاء وجنطة بيجي اتصلت على بابا تاخر يله رد

..الووو بابا

..هلا حبيبتي

..هلا بيك اا انتو وين

..عندي شغل اشويه ليش اكو شي

..كالعادة هذا جوابه :لا ماكو بس اريد اطلع

..اي اطلعي رافد وياج اكيد

..اي طبعا مااطلع بدونه انتو راح تتأخرون

..يعني المهم اتونسي ماشي

..تمام
سديته واخذت نفس مااعرف اشوكت راح اعرف الي ضامي
خلي اعرفكم عن نفسي
..اني سماء أي اسمي اشويه غريب بس حلو عمري ٢٠ سنه طالبة مرحلة ثانيه بكلية الآداب احنه من بغداد وحيدت اهلي مثل مااعرف شكلي حلوو اني اني حلوة عيوني سمائي بلون السماء يمكن علمود هالسبب اتسميت مااعرف على منو لان امي عيونها بس خضر المهم بيضة شعري بني بي خصلات ذهبي من الله طويل جسمي متانسق طولي هم زين هادئة من اني صغيرة هيج وهم لان عشت طفولتي لوحدي ماعندي احد وياي اهلي اغلب الوكت مشغولين يعني باي لحظة .والدي صاحب شركة مقاولات حسب الي اعرفه اما امي ربة بيت طبعا احنه ساكنين بزيونه بابا موفرلي سايق وهو نفسه حارس ليش مااعرف دومه وياي من اني صغيرة بحيث مااطلع اذا مو وياي