قلوب من ريش

البارت الثالث عشر والرابع عشر

#قلوب من ريش
للكاتبة ضوء القمر

من مريت حليت العلوگه التارسه الشباج
وقريت ارسوم وجهك ذيج
لگيت المستحه بعينك . .

دفو ومن شافك العصفور
ضم عشه بروازينك
يحري شحصل الفلاح من طينك . .
.......
علي.كلام ابوي اهواي صدمني
..شنو تحجي يابه
احسان :ايي من كل عقلكم مصدكين هاي اختكم لا افتهموا عدل اعرف الي يصدك ويحجي جذب حتى لو فعلا طلعت اختكم مستحيل اعترف بيها او تفكرون بيوم تكونون وياها ساامعين اني مااعترف بعار

علي.كلمة عار جانت اهواي قاسي صداها معقولة ابوي ابو كلب طيب هيج يكول ليش يابه ليش هيج شوهت صورتك مع الأسف متوقعت منك هالشي
..يابه انت متاكد انو مراح يجي يوم وتندم على هذا كلامك تراك تندمت مرة مستعد للمرة الثانية تتنمدم لو هالمرة ناوي تبقى على كلامك

احسان :علللي كلمة وحدة مااريد اسمع طاريها ولا واحد منكم يفك حلكه وياي اني كلت لا يعني لا ليش تخلوني اغير أسلوبي

علي :ماكو داعي حجي بس احنه رايحين جو لا تخاف
..سحبت نهى وطلعنه لان ادري اذا بقيت مراح اكدر ابقى ساكت ركبنه وطول الطريق مفول نار لو بس اعرف اشبيك جان كلشي انحل
.نهى :علي على كيفك بالسياقة
علي :لج هو بقه عقل من وره ابوج
نهى :ميخالف ياعيني شنسوي هاي بعد متعرف ابوك من يقفل على احد
علي :لج هاي مو احد هاي بنته من لحمه ودمه ياناس منو هذا الي يعقل هالحجي

نهى :اهواي صدك انت لا تشوف انو بابا مكان هيج بس للاسف طلع وجه احنه مشايفي اهم شي هسه انو ميلتقي بسماء تحت أي ظرف

علي :ههههه ولج والله انتي فطيرة لج بابا ابوج ناوي على شي وهسه تشوفين كم يوم ونسمع بالاخبار
نهى :يعني شنو تقصد انو بابا يأذيها

علي :كلشي جائز توقعي كلشي

نهى :لا عفيه علي لا تخوفني
علي :ههه شخوفج قابل جذب بس لازم نعرف على شنو ناوي
نهى :أي اكيد لازم نعرف المهم هسه همه وين

علي :بالبستان وين مااعرف بس راح نلتقي بيهم بالمطعم

نهى :تبقى ويانه
علي :لا مااكدر حدي وياكم على التسعة ونص عندي برنامج بالعشرة
نهى :لعد منو يرجعني
علي :اني غير

نهى.وصلنه للمطعم رحنه على قسم العوائل لكينه الجماعة كاعدين بس هي ما شفتها او جوز منتطني ظهرها

...
فراس :يعني شنو يكون موقفه أكثر ميت على ابنه وهم ماخله شي ماسواه علموده بس شنو بيده احتمال اشويه غير من نفسيته من جابله معالجه نفسية

سماء :ليش الوضع هيج مأثر عليه
مهند :اصلا هو من الصغر هيج متمرد وهم عنودي بين قوسين كتلة من التمرد

سماء :زين المعالج النفسي مفاد وياه
فراس :هههه أول وحدة جابوها اله خلاها تشرد حتى فلوس عافتهن كد مامللها وكرها باليوم الي دخلت بي هالمجال