قلوب من ريش

البارت الثاني عشر

#قلوب من ريش
للكاتبة ضوء القمر

أنني مُرهقة مِن ضجيج أعماقي،ومُتعبة مِن حبس دموعي،فداخلي لما يعد يتسع لي.

......
سماء.عرفته محد غيره كان قاسي بكلامه من دخلت لكيته يتصايح ويه بابا وهالشي اهواي ضوجني. ماعرفت منو يكون بالضبط لان ماركزت من حجة وهم اكيد هو الي اسمه اب الي ههه خوش أب نقاشهم جان حاد كولش

احسان :يابه اخذها اسويلها فحص

عاصم :انتتت خبل شعراية وحدة متلزم منها ساامع
احسان :شنو افهم منك متريد اعرف اذا فعلا بنتي او لا

عاصم :ههه والله ضحكتني بنتك اصححه انت بنفسك تبريت منها موو حضرتك جاي هسه اطالب بيها

احسان :هههههه لا يابه غلطان اني عمري مااتراجع عن كلمة كلتها بس اكو شي لازم اتأكد منه لازم اعرف اذا فعلا هي من دمي لو لا

عاصم :اهواي لغيت واني مالي خلك الك احسان تكفه الشر وابتعد عنها
احسان :هههه لا حجي اهواي غلطان ههه ابتعد انت صدك تحجي لازم اعرف بنت منووو منو يكول بنتي وشنو الدليل

عاصم :لك انت من كل عقلك تحجي هاااي من دمنه صدك انت عار عألاباء

احسان :ليشش لان اريد اعرف اذا من صلبي او لا صررت موو خوش أب حجي اكو أشياء متعرفها خليني اتصرف بنفسي
عاصم :لك شتتصرف متكلي سماء ما تتقرب مها شعرة ساامع واياك بيوم تحاول تسوي شي

احسان :ليش شنو الي يمنع ترا اني احق منك بيها

سماء.مافهمت شنو يقصد انو لازم يعرف بنت منو ليش هيج كال بس من رفع صوته عليه اني ماكدرت ابقى ساكتة

...لا ترفع صوتك بوجه بابا

احسان.فاجأتني متوقعت بجرأتها ولو بنت منو هه خلود
..لا والنعم خوش متعلمه
سماء :أي تربية أحسن تربية ربنو اب وام ينحطون تاج على الراس وشرف لكل واحد والي ميعجبه لا يحجي

عاصم :بنتي سماء تعالي ادخلي اني اتصرف
سماء :راح ادخل بس هاي اكوله هالحجي انييي اب ماعندي غير حجي عاصم وام ماعندي غير ماما زهرة مو بعد هاي سنين جاي تريد تعرف اني بنتك لو لا خلي يكون بعلمك لو مو تحاول غير عاصم ميكون اب الي اصلا ميلوك يكون احد غيره
.يمكن جنت فضت اللسان اشويه بس من يوصل الموضوع لبابا افقد كولشي ولا هو ليش شنوو من اب هذا عيونه كلها حقد بعمري ماشفت هيج
..

احسان :والله ربيت يابه هي هيج ترد على الي أكبر منها
عاصم :طبعا خوش ربيت من تشوف احد متعب ابوها وكلامه وياه مو زين توكف بوجه هاي بنيه بالف رجال

احسان :لا عفيه عليكم خوش لعد يجي يوم وتتندمون وخلي تفيدكم هااي الي

عاصم :ولا حرف اسمع منك ساامع اتوقع سمعت مني ومنها مثل ماانت مو طايق نشوفها يجيك يوم وتتمنى لو ماحجي كلمة وحدة على كلامك هذا