قلوب من ريش

البارت السادس عشر

#قلوب من ريش
للكاتبة ضوء القمر

🍃

تـعـبـنـا هـواي مـن هـمـنه سـهرنا الـليـل مـانـمـنه
مـحـتاجـيـن راحـه بـال لـيـش الـوكـت ضـالمنه..
.......
ريان :بشرني دكتور
انور :والله يا دكتور ريان المريضة ماكو أي خطر على حياتها بس الي مستغربة لحد هسه ماكعدت
ريان :يعني نكدر نكون صحتها تمام
انور :موو بالشكل كامل لا تنسه المريضة عدها شقيقة وهالشي راح يأثر عليها صح مو اهواي بس هم يأثر واهم شي هو الراحة وعدم حصول أي مؤثر سلبي عليها لا تنسه الضربة صايرة من جهت الراس وهيج راح يكون بي تأثير

ريان :تتوقع تدخل بغيبوبة
انور :مااكدر اجزم بهالشي نتتظر وبعدها نشوف بس ليش تتوقع هيج
ريان :مااعرف بس اتوقع انو مراح تطلع سالمه
انور :امم ان شاء الله خير اني اطلع وكل فترة أمر عليها وان شاء الله مااطول بنومتها 

ريان :أن شاء الله
طلعنه واكيد حجينه للحجي الي من أجه لسه هو مهدود حيله حقه ماالومه الي صارلها مو اشويه وهي ماشاء الله حلوة والعين عليها اهتمامي العجيب راح يخبلني شنو هالجاذبية الي بيها

فراس :يعني شنو تتوقعون انو تبقى هيج
سائد :الله اعلم
مهند :والله كلشي اتوقع الي الصار مو اشويه كل هذا وعمي ولا مهتم
ريان :انتوو متأكدين عمك ابوها ولكم احد يقنعني ويكلي أي مجاي اصدك اشلون

علي :ههه اتوقع كلشي من ابوي اني ابنه ماادري شحجي حتى فشلان من تصرفه
فراس :وانت شدخلك لا تلوم نفسك
علي :اشلون مااهتم ترا هاي الي ماادري شنو حالتها اختي ولكم الي يكعد ويسولف وياها هم يكدر يكرها لو يأذيها بكلمة

فراس :لا والله واسألني اني الحجي وياها والكعدة ترد الروح بس ابووك اااخ منه

ريان.يحجون عنها واني فكري يم الي خلت الكل يمدح بيها ويسولف عن الكعدة وياها حقه الحجي لو تخبل لا سامح الله صار عليها شي احتمال الحجي ميطول وراها صافن واجتي الممرضة

الممرضة :دكتور ريان اكو شخص صار ساعة ينتظرك

ريان :منوو واصلا منو يدري اني رجعت
الممرضة :مااعرف دكتور بس حتى كام يصيح
ريان :شنو مريض لو مراجع
الممرضة :ماادري
ريان :استغفرالله منوو هذا يله جاي
شباب خلي اشوف منو الاثول واجي سائد أي حركة منها بلغني
سائد :تمام

ريان.رحت لمكتبي واني معصب منو هذا وعلى أي أساس يصيح توني جاي من السفر حتى ماسجلت حضور دخلت وشفته كاعد وحاط رجليه على الميز والقلم بيده
..هي هاي كعدة ضيف
ضحك ونزل رجليه والتف عليه انصدمت
..هذا انت

عقيل :ههههه اني اني بشحمي ولحمي
ريان :مااصدك عقيل السلطاني ياهلا والله
عقيل :ههه بالمهلي دكتورنه ادري متجي إلا بالصياح
ريان :ههه خرب بالحظ لك انت اشلون عرفت جاي وهم بله بشرفك هو هذا حجي تصيح على الموظفين
عقيل :هههه هذا الي عندي بعد تعودت
ريان :استريح أي اشلونك اشوكت رجعت للعراق
عقيل :والله قربيا صارلي أسبوعين واشلون عرفت بجيتك أول مااجيت عبالي الكاك كالو مسافر يابه اشوكت يجي بعد أسبوعين او اكثر خير ان شاء الله المهم اخذت رقم واحد منا والبارحة انطاني خبر يجيتك تعرف بيتكم ما اندله اجيت هنا