قلوب من ريش

البارت السابع والثلاثين

#قلوب من ريش
للكاتبة ضوء القمر

وألمح رموشج
عصافير اعله گلبي تحط جنحها
اويه الهوى التعبان
.........

سائد :معقولة علاقتك قوت بيها
رين :اشبيك رعبتني لا مو ذيج العلاقة الي اريدها بس تكدر تكول بداية جيدة بين قوسين انطيتها من الاخير
سائد :اشلون يعني انطيتها من الاخير
ريان  طلبت اديها للزواج
سائد.صدمني متوقعت هيج بسرعة :لالا صددددك تحجي هاي اشوكت
ريان :قبل كم يوم
سائد.فتحت عيوني على وسعهن :ايي وشكالت
ريان :اني طلبت منها تفكر وبعد محجيت بي
سائد :بس
ريان :ايي بس شنو تريد لعد
سائد :زين محسيت بشي من خلال كلامها
ريان :ماادري لحد هسه مااريد افكر بشي هي من وحدها راح ترجعلي جواب
سائد :لا صددك اكوول وانت راح تظل ساكت
ريان :اشلون يعني اسكت
سائد :اقصد فرضا نست السالفة وبعد ماردت جواب تسكت
ريان :لا مو هيج الحجي اكيد مااسكت بس مااضغط عليها كولشي بالهداوة حلو
سائد :امم المهم انت شنو شعورك
ريان :اجذب عليك اذا كلت ماادري بس عندي احساس راح تقبل صح راح اطولل بس ميخالف
سائد :امم ان شاء الله طبعا الصراحة انت وياها متوالمين لبعض بس اكو شغلة
ريان :وهي
سائد :مراح اتصور تبقى بالعراق
ريان : موو مهم المهم راحتها تعرف انو ناوية على سفر
سائد :جنت متوقع هالشي بس جدي مراح يقبل السفر ويترك العراق
ريان :لا تسافر وحدها
سائد :من كل عقلك تحجي صددك والله
ريان :أي والله اشبيك بس بعدها محاجيه ويه جدك
سائد :لا هاي تخبلت اكييد شنوو بكيفها تساافر وحدها اصلا حتى لو جدي قبل احنه منقبل
ريان :ساائد ترا انت متعرف ظروفها ولا الي داتمر بي مالكم حق عليها جدك بس الي اله حق
سائد :خو انت اصلا هيج موضوع عندك عاادي ليش اناقشك بي لك بابا شنو تساافر شنو ماكو زلم توكفهاوشكو تساافر
ريان :شوف هي مو قصة انو اني عادي عندي سالفة السفر لا سائد البينه تمر بضغط نفسي بشرفك الي سواه عمك اشويه احمدو ربكم هي متدري الله يعلم شنوو ممكن صاار
سائد :بس موو هيج ريان يعني تقبلها تسافر هسه عوفك من انووو هي بنت عمي انت مو تحبها هااا تقببل بهالشي
ريان.نزلت راسي ٧و اني لو اكدر كان اخذتها لجزيرة  :لا اكيد واحتمال اصلا اخذها واسافر
سائد :خرب شوف الثاني لك انت شنووو وجدي مراح يقببل تعرف هو اشلون متعلق بيها اشلون يخليها
ريان :ماادري سائد اني حاير بهالسالفة بصراحة اريدها تسافر وما اريد مرات اكول متحاجه ترتاح ومرات اكول راح تتعب وجدك هم بس هسه اشوف تسافر وتشوف الوضع وهي من وحدها ترجع
سائد :اااوف هاي مراح تترك هالسالفة اني وياها مااكول لا ولا ارفض الي شافته مو اشويه بس تبقى انو تسافر وحدها مشكلة
ريان :ايي بس خلي نشوف شنو راح تسوي
سائد :بس تعال كولي اشلون اقتنعت تجي معقولة هيج رضت بسرعة
ريان : ههههه لا يابه سماء تقبل بسرعة هاي وين لكيتها اشكد صارلك تعرفها لا ابو الفوراس دك رجل إلا تجين لك لو تشوف شسوه وهي انجبرت بعد وقبلت
سائد :لا صدوك وهذا شسوه بله