قلوب من ريش

البارت الثالث .والجزء ٢

#قلوب من ريش ج ٢.#ثأر القسورة
للكاتبة ضوء القمر

-

جا غير الزعل فتره ونرد بخير

اي ليش الوجوه استثكلت هالكد
.........

رجعت من الدوام اليوم داومت وهي مداومت خليتها على راحتها دخلت للبيت محد موجود سائد ونور بالدوام ومهند مااشوف ومرته بالدوام صعدت لغرفتي لكيت اميرتي نايمه تفاجأت مو من عوايدها بست راسها ورحت لميز التواليت اذب ساعتي اريد اسبح لفت نظري ورقة طالعه من المجر طلعتها وجانت الصدمة اقره واني مصدوم معقولة لا اكيد مو الها .مستحيل شنو لا اني جاي اتخيل. اقره واني نار تفور بصدري هالعار على شنو ناويه
اباوع عليها معقولة تسويها من وراي اني اشلون فاتتني رحت يمها كوة ضبطت اعصابي

...غسق اكعدي غسق

غسق.نايمه واسمع صوته حسيته معصب عززا بعيني اشبي كعدت كوة فتحت عيوني
..هاا حبيبي اشوكت اجيت
فراس :غسق انتي شمسويه احجي من الاخير
غسق.كعدت عدل واشوفه صاير اعصاب :اني ممسويه شي ليش شكو
فراس :استغفرالله هذذاااا شنووو هااا حاجيني

غسق.حط كدام وجهي ورقه التحليل احجي واني ارجف ماادري شكوله :هاا تحليل. حجيتها بخوف

فراس :ادري بيها خررا اني شكايل بهالموضوع هااا انتي ليش متسمعين الكلام غسق انتي صدك تحجين
غسق :بس على كيفك واني افهمك ليش معصب
فراس.كمت من مكاني اذا ابقى احتمال اضربها
..شنووو على كييفي انتييي خبلللة لج انتي حاامل تعررفين شنووو حياتج بخطرر

غسق.فعلا بجيت وانهضمت اشكد جنت انتظر هاليوم بس من شفته اشلون معصب وضايج ضجت :ليشش مو من حقيي اصيرر ام ليش مفرحت مثلي فرراس تدري اشكد جنت انتظر هاليوم

فراس :لج انتي شنوو عبالج مااتمنى هالشيي بسس خووفي عليج يجبررني وأقوى مني غسسق هالطفل ميبقى

غسق.مو كلمة كالها لا كأن كلي ابنج مات كأن كلي كل هذا جذب كأن خنجر بصدري انهضمت ومن صدوك العبرة خنكتني :لييش هييييج فرراس وين حبك الي وين كلامك من عرفتو بسماء ليش هيج عفيه لا تحرك كلبي

فراس :كاافي اني حجيت وخلاص والطفل نطلع بعد اشويه وتنزلي...اني الي خنجر بصدري كل هذا الحجي يأذيني قبل لا يأذيها بس شنو بيدي انتي عندي اهم .اخذت قميصي ونزلت وعفتها وكفني شهكاتها. رجعت ظهري على الحايط واني كلبي ينزف
..اسف
نزلت ركض حتى ابوي شافني ودايحجي وياي عرفته وطلعت من البيت مجاي اكدر ابقى أكثر حركه بصدره مخنوك ااااخ يكلبي ليش هيج يصير بيه من كد ما منتبه لكيت نفسي واصل الشط. رجعت راسي على الكشن غمضت عيوني وصورتها وهي شابعه بجي متروح من بالي
...لالا ملازم يبقى سامحني وليدي بس اني وياك اذا اجيت نبقى يتامى
..مو عيب الرجال يبجي صح يكول عيب بس اني ياناس خوفي وهمي جبير نزلت راسي على الأستيرن ودموعي تنزل ااخ يدمعي