#Unicode
အစစအရာရာ သူ့နေရာနှင့်သူ နေသားတကျရှိနေပြီးသားဘဝထဲကို လော့ယွင်ရှီး ဝင်ရောက်လာမှ ရှုပ်ရှက်ခက်ကုန်ရသည်။ ဖေးယွီ လော့ယွင်ရှီးကို တွန်းထုတ်သော်လည်း ခေါင်းမာလှသော အိန်ဂျယ်လေးက လက်မခံပေ... ပို၍ပင် တင်းတင်းကျပ်ကျပ်ပွေ့ပိုက်ထားလေသည်
လော့ယွင်ရှီးက ဖေးယွီနားရွက်နားကပ်ကာ Healing Song ကို တိုးဖွဖွဆိုနေသည်။ ယွင်ရှီးအသံက ဖေးယွီစိတ်တို့ကို တည်ငြိမ်သွားစေပြီး ယွင်ရှီးရင်ခွင်ထဲမှာပင် နှစ်နှစ်ခြိုက်ခြိုက် အိပ်ပျော်သွားစေခဲ့သည်။
ဖေးယွီမျက်လုံးတို့ကို ပုတ်ခတ်ပုတ်ခတ်လုပ်ကာ နိုးလာချေသည်။ မျက်လုံးတို့ဖွင့်ဖွင့်ခြင်း ပထမဆုံးမြင်ရသည်က ကျောက်စိမ်းရောင် မျက်လုံးကြည်ကြည်တောက်တောက်လေးတွေထဲမှာ စိုးရိမ်စိတ်အပြည့်ဖြင့် သူ့ကို ငုံ့မိုးကာကြည့်နေသည့် လော့ယွင်ရှီးရယ်... မျက်လုံးတို့ကို ဟိုဒီကစားကြည့်လိုက်တော့ လော့ယွင်ရှီးအနောက်နားမှာရပ်နေသည့် မျှော်လင့်ခြင်းကမ်းပါးအရှင်သခင် စုန့်ဝေလုံရယ်...
"ကလေး နိူးလာပြီလား? ကလေးစားလို့ရအောင် ကိုကိုတစ်ခုခုသွားလုပ်ပေးမယ်နော်"
ထို့နောက် ယွင်ရှီးက အခန်းထဲမှ အလျင်အမြန်ထွက်ခွာသွားခဲ့သည်။ စုန့်ဝေလုံက ဖေးယွီကို ဘာဆက်လုပ်မှာလဲဆိုသည့် အကြည့်နှင့် လှမ်းကြည့်လေသည်။
"ငါသူ့ကို လိုအပ်တယ်...ငါ့ဘေးနားမှာ သူရှိဖို့လိုအပ်တယ်... သူ့ mission နဲ့ပတ်သတ်ပြီး ကူညီပေးနိုင်တယ်... ဒါပေမယ့်... "
"နောက်ဆုံးကျရင် အရှင်လော့ယွင်ရှီးကို သစ္စာဖောက်မှာပဲမဟုတ်လား? အယုံသွင်းထားပြီးတော့....မင်းဟာ တကယ်မကောင်းတဲ့သူပဲ ချန်ဖေးယွီ"
"ဟက်....ကိုယ့်ကိစ္စမဟုတ်ရင် ဝင်မပါပါနဲ့... ငါ့လမ်းမှာ လာရှုပ်ရင် မင်းကိုရှင်းပစ်ဖို့ ဝန်လေးနေမှာမဟုတ်ဖူး"
"အဆုံးသတ်မှာ မင်း နောင်တရမှာ မြင်ယောင်နေလို့ ပြောနေတာ... အရှင်လော့ယွင်ရှီးကို မချစ်မိဖို့ မင်းကိုယ်မင်းထိန်းနိုင်မှာမဟုတ်ဖူး...လီကျင်းရဲ့ကျိန်စာကြောင့် မင်းအရှင့်ကိုချစ်လာလေလေ... မင်းပိုပြီးနာကျင်ခံစားရလာလေလေဖြစ်လာမှာ...အခုချိန်ပြင်ဆင်ရင်မှီသေးတယ်...ကြာရင် အဲ့အရာကပဲ မင်းရဲ့အဆုံးသတ်ကို ဖြစ်စေမှာ... ဒါပေမယ့် မင်းရပ်တန့်လို့ရမှာမဟုတ်ဖူး... အရှင့်ကို မင်းမချစ်ပဲ မနေနိုင်ဖူး ချန်ဖေးယွီ"
YOU ARE READING
The Devil's Love (Completed)
FanfictionI am a Devil. I like to destroy things. I like to hurt others. I do not love. I want to destroy you. I am an Angel. I love you. I'll be by your side. I'll be there for you no matter what.