✔ | IMPERIAL FLOWERS BOOK 2: Guia, The Dancing Lotus Fairy

Chapter 9.1

IT DIDN’T happen at night. But the feeling it gave to Lexus was almost like he had been on a romantic date. Oo, ganoon ang nararamdaman niya nang makasayaw niya si Guia sa paboritong pavilion ng kanyang ina. It was a replica of Sierra Asahiro’s dance pavilion when she was a teenager. At habang lumalaki sina Lexus at Mirui ay isa iyon sa pinagtatambayan nilang magkapatid, lalo na kapag gusto nilang makapag-isip-isip nang maayos.

Pero nang araw na iyon, ginamit niya ang lugar na iyon upang magawa nilang dalawa ni Guia ang isang bagay na matagal na nitong hindi ginagawa—ang sumayaw. Totoo ang sinabi niya sa dalaga na ang talagang plano niya ay panoorin itong sumayaw nang solo sa unang pagkakataon sa lugar na iyon. Pero nagbago ang kanyang isip nang makasama’t madala na niya ito sa lugar. There and then, the idea of dancing with Guia on his mother’s most special place hit him.

At hindi niya pinagsisisihang sinunod niya ang kagustuhang makasayaw si Guia, lalo na sa lugar na iyon. All he did was to enjoy that wonderful moment he held her close to him like that. And with a beautiful smile in her face, at that. Weird mang isipin pero ninais niyang makita ang ngiti nitong iyon na para sa kanya. Hindi naman kasi niya alam kung para saan ang ngiting nakita niya kay Guia habang kasayaw ito.

Sa totoo lang, kahit masasabing may charms siya para mahulog ang loob ng mga babae sa kanya, hindi pa rin niya mapigilang ma-insecure kapag si Guia ang involved. Lagi siyang nawawalan ng kumpiyansa sa sarili kapag ang dalaga na ang kaharap niya. Isang dahilan marahil ay ang tunay niyang pagkatao na ilang taon na rin niyang inililihim sa lahat, maging sa mga kaibigan niya.

“It’s the first time you brought a beautiful girl to that place, Lexus.”

Napangiti na lang siya nang malungkot at saka nilingon ang taong nagsabi niyon. Nakita niyang papalapit ang kanyang ina na si Sierra sa kinauupuan niya sa hardin.

“Nagdaldal na naman po sa inyo si Rui?”

Umiling ang ginang. “Si Yuna ang nagsabi sa akin. Nasa loob pa siya ng building nang makita niya kayo roon ni Guia. Hindi pa alam ng kapatid mo ang tungkol dito.” Ang tinutukoy nito ay ang isa pang miyembro ng Imperial Flowers at kasamahan ni Mirui sa Yukihana Ice Skating School na si Yunara Limietta. “Ang ibig sabihin ba ng ginawa mong iyon, siya na? Hindi na lingid sa akin ang ibig sabihin ng pagdadala mo kay Guia sa pavilion. Pero sana, anak, maging sigurado ka sa kung ano man ang desisyon mo. Okay?”

Nanatili lang siyang nakatingin sa kanyang ina. Sa totoo lang, medyo naninibago siya sa concern na ipinapakita ng ginang sa kanya sa mga sandaling iyon. Marahil ay alam nito ang kasalukuyang bumabagabag sa kanya kaya nagiging vocal ito sa pagpapakita ng pag-aalala. Oh, well. Mas mabuti na ang ganito. Hindi na ito tutol kung sakali mang isipin niyang magka-girlfriend, 'di tulad ng nangyari kay Mirui noon. 

Pero sa mga sandaling iyon, nadagdagan pa ng takot ang nararamdaman niya.Takot na hindi siya maging katanggap-tanggap para kay Guia. Damn it! Hindi naman siya ganoon dati. Wala siyang pakialam noon tungkol sa bagay na iyon. Pero sa pagdating ni Guia sa buhay niya, lalo na nang tuluyang lumago ang itinatagong damdamin niya para rito, tuluyan nang nag-iba ang lahat.

ーーーーーー

“GUIA, can we please talk?”

Napaangat ng tingin si Guia mula sa pinag-aaralang music sheet at magkahalong gulat at pagtataka ang nararamdaman niya nang makitang papalapit sa kanya si Jeric. Ano na naman kaya ang kailangan nito? O baka naman gulo pa ang hanap nito. Makakasapak na talaga siya.

“Kung ano man ang sasabihin mo, Jeric, bilisan mo. Busy pa ako,” malamig niyang tugon at muling itinuon ang atensyon sa binabasa.

“I’m sorry.”

Natigilan siya sa narinig, dahilan upang mag-angat siya ng tingin at ituon iyon kay Jeric. Nakayuko ito, para bang inaamin nito ang pagkatalo na nagpalito sa kanya. Ano ba ang nangyayari sa paligid niya nang mga sandaling iyon? Ano ba ang kailangan nito sa kanya?

“Ano ba talaga ang kailangan mo, Jeric? At bakit ka nagso-sorry?” Bagaman hindi niya binago ang tono ng boses niya, batid niyang nagawa namang ipahiwatig niyon na handa siyang makinig dito as long as wala itong gagawing kalokohan sa kanya.

Nakita niya ang paghinga nito nang malalim at tumingin na sa kanya. Lungkot at pagsisisi ang tanging nakita niya sa mga mata nito. Lalo tuloy siyang naintriga na malaman ang gustong sabihin sa kanya ni Jeric.

“I’m sorry… for what I did to you back then. I admit, napakagago ko. Ang laki ng kasalanan ko sa iyo, kahit sa nanay mo na nagtiwala sa akin. But thanks to someone, I’d learned my mistakes. Kung hindi siguro niya ako sinuntok nang araw na iyon, at kung hindi ko pa nakita kung paano ka niya tulungan para magawa mong tumapak ulit sa stage para sumayaw, hindi ko pa mare-realize ang lahat ng kasalanan ko sa 'yo,” sabi ni Jeric.

Pero iisa lang ang rumehistro sa isip niya nang mga sandaling iyon. “Someone made you realize your mistake?” 

“Si del Fierro.”

Sinasabi na nga ba niya. “S-si Lexus? N-nakita mo kami ni Lexus na…?”

“Patunay lang iyon kung gaano ka niya pinahahalagahan. Ayaw lang niyang ipahalata. Lalaki rin ako at alam ko kung paano ka niya gustong alagaan at tulungan na ayusin ang lahat ng nasira ko noon. Hindi ko na magagawa iyon kahit gustuhin ko dahil malaki ang kasalanan ko sa 'yo,” paliwanag ni Jeric.

Guia couldn’t believe it! Ilang araw nang hindi nagpapakita sa kanya si Lexus. Pero heto at ito pa ang gumagawa ng paraan na makahanap siya ng closure sa lahat ng hinanakit niya sa mga taong dahilan kung bakit hindi na niya mahanap ang lakas ng loob na balikan ang mga bagay na labis na nagbigay ng takot sa kanya. Ano ba ang dahilan at ginagawa iyon ni Lexus?

Napatingin siya kay Jeric dahil sa mga sinabi nito. “Napansin mo ang mga iyon?”

“Halos lahat ng nakakakita sa inyong dalawa ni del Fierro, napapansin iyon. Dumagdag pa sa guilt ko ang mga pinagsasasabi ng kung sino diyan sa tabi dahil doon. Hiniwalayan ko na si Carol pagkatapos ng nangyari sa 'yo, in case gusto mong malaman. Pero hindi ko pa naririnig sa 'yo kung pinapatawad mo na ba ako o hindi pa rin. Pero maiintindihan kung ayaw mo pa rin akong patawarin. A simple apology isn’t enough as a compensation, I guess.”

Seryosong usapan. Bakit madrama ang Jeric na kaharap niya ngayon? Nasaan na ang mahangin at confident na Jeric na nakilala niya noon? Naalog ba nang husto ang utak ng lalaking ito kaya ganito ito sa kanya nang mga sandaling iyon?

Huminga na lang nang malalim si Guia at muling tiningnan si Jeric na bakas ang antisipasyon sa mukha nito sa pag-aabang ng isasagot niya. Sa napapansin niya, mukhang binuksan nga nang husto ni Lexus ang saradong pag-iisip  ng lalaking ito. Hindi niya alam kung ano ang talagang nangyari pero pasasalamatan talaga niya nang husto si Lexus kapag nagpakita na ito sa kanya.

“I’ll forgive you, Jeric, if you will promise me to finally change. Tama na 'yong mga nangyari sa akin noon. Hinding-hindi na talaga kita mapapatawad ulit kapag gumawa ka pa ng ganoong kabulastugan,” banta niya sa binata.

Pero sa pagtataka niya ay unti-unting napangiti si Jeric at tumango-tango pa.

“Ano naman ang nakakatawa? At may patango-tango ka pang nalalaman diyan,” aniya na hindi nawawala ang pangungunot sa kanyang noo.

Umiling lang ang binata. “Wala lang. Na-realize ko lang na ang laki na pala ng binago ni del Fierro sa 'yo, partikular na sa nararamdaman mo. You love him, don’t you?”

Natigilan siya sa sinabi nito. Kapagkuwan ay napailing siya.

“Hoy, Jeric, huwag ka ngang intrigero riyan kung ayaw mong upakan kita bigla,” tugon niya at nag-iwas ng tingin upang maitago ang tiyak na pamumula ng mga pisngi niya.

Tinawanan naman siya ni Jeric. “Can I hug you? This time, as a friend.”

Hindi na siya nagdalawang-isip na tumango at siya na ang lumapit dito. Mahigpit siyang niyakap ni Jeric. Ramdam niya ang sinseridad nito sa mga yakap na iyon. Pinakiramdaman din niya ang sarili. Hindi na nga katulad ng dati ang nagiging reaksyon ng kanyang puso sa tuwing magkakalapit sila ng lalaking ito.

Kung ganoon, totoo nga kaya ang sinasabi nito sa kanya? Na mahal na niya si Lexus?

'Buti pa si Jeric, napansin agad iyon. Si Lexus kaya, kailan malalaman iyon?