اقتسره العشق.... للكاتبة أميرة مدحت

الفصل العشرون ج٢

روايـة "اقتسـره العشق"
"الفَصْلُ العِشّرون"
-الجُزء الثَّاني-

على رغم من أن الحب فيـه
من الألم والحنين والعذاب
إلا أنــه علينــا أن نستسلم لـه
فـ لا شيئ أثمن منــه

تحرك "ثروت" بشموخ نحو غُرفــة مكتبــه وإبتسامة مُخيفة أرتسمت على ثغره، وخلفــه العديد من الرجــال أشداء البنيـة، دخل بخُطى ثابتـة متزجهًا نحو المقعد الجلدي، نزع سترتـه السوداء ووضعهـــا على ظهر المقعد ثم جلس بكل هدوء، رمقهم بـ نظرات حــادة قبل أن يسألهم:
-سيف النصــار هيبدأ يدور على أي ثغره عشان يوصلي، وإحنا لازم نمنعــه، ومش هو لوحده..

سكت لحظةً قبل أن يُتابــع بحدة أعلى:
-وكـارمـا مراتـــه، لازم هي كمان تموت، لأن زي ما قولت قبل كده، همـا الأتنين قوة جبـــارة، لو أتجمعوا سوا، يبقى إحنا هنضيع.

هز كُلاً منهم رأســه في أقتناع، طأطأ "ثروت" رأســه قبل أن يرفعهــا يحدجهم بقسوة:
-لازم النهاردة، النهاردة يموتوا قبل بكرا، أتغدى بيهم قبل ما يتعشوا بيا، فاهمين ولا لأ؟؟..

قال أحدهم بصوتٍ جـاد:
-تمام يا ثروت باشا، إحنا عارفين هنعمل إيـه وهنظبط الموضوع ده النهاردة.

بـ قبضة يده ضرب عل سطح مكتبــه وهو يقول بشراســة:
-الساعة دلوقتي ٦، ساعة والأقي إنكم جهزتوا خطة وتبلغوني.

سحب شخصًا آخر نفسًا عميقًا قبل أن يتمتم:
-تمام يا باشا.

أشــار بإصبعيــــه بـ نظرات قاسية، فـ غادروا من المكان، وكُلاً منهم يتنفس بإرتياح عقب خروجـه حيًا، غمغم "ثروت" مع نفسـه بشرود:
-لو ضربت عليـه نار، ممكن يعيش ويكون عمل زي مراتـــه لما حاولت أقتلهـا، فـ لازم أحط خطة بديلة تخليني أخلص منهم كلهم، لازم ده يحصل.

******
جلس "رحيم" على الأريكـة وهو يضع هاتفـــه على أذنــه يستمع إلى كلمات الطرف الآخر، أطرق رأســـه مفكرًا بـ عمق، فالوضع قد أصبح في منتهى الخطورة، وثب واقفًا وهو يسب بداخلـه بضجر هاتفًا بحنق:
-يافندم أعمل إيـه يعنــي؟؟..

قال الطرف الآخر بصوتٍ جدًّ:
-إحنا بقالنا فترة كبيرة موصلنـاش لأي حاجة غير أسمــه، لازم نتصرف ونعرف الباقي، وبعدين مش سيف النصار بيساعدك في الحكاية دي.

قال "رحيم" بشرود:
-سيف النصـار غامض، بس أنا متأكد أنه مرتب خطة، لكن إزاي معرفش، بس إللي خايف منـه، هو بعد ظهور كـارمـا عزيز.

تنهد قبل أن يُضيف:
-أنا مش عارف هي طلعتلنا منين؟!.. وإيه السبب إللي يخليهـا تقف ضد شريف في حكاية الأرض؟!.. يعني هي نُسخة من سيف النصار، نفس الغموض.

رد عليـه الأخير بلهجة قويـة:
-بس من ناحيـة كـارمـا فـ أنا مطمن، أنا عارف إنك قلقت بعد ما أتجوزهـا لأنهـا بقت نقطة ضعفــه، وخايف إن الخطة تبوظ بسببهـا، بس لازم تطمن لأن لما دورت عن معلومات ليهـا عرفت أنها شخصية قوية، مش بتقع بالساهل، ولو وقعت بتقوم بسرعة البرق، فـ إطمن.