The Broken Vinyl's Beat (Casa Nueva Series #1)

Kabanata 6

Kabanata 6
Late

 
Our report was actually good. I didn't expect that my group is a powerhouse one! Ang akala ko ay loloko-loko lang si Rey at Malia. It turned out that when it comes to grades, nagseseryoso silang dalawa. Hindi pala lahat ng nasa likod na row ay rowdy when it comes to acads.

Maraming natanggap na papuri ang grupo namin. Nadyan na iyong mahusay ang diction at ang pagpapaliwanag. Kasama na rin sa napuri ang PowerPoint presentation na ginawa ko.

"Who made the presentation?" tanong ni Mrs. Bundoc nang matapos ang reporting namin.

Kaagad akong inilahad ni Rey at Malia. "Si Rafi po, Ma'am," said Malia.

I looked at Mrs. Bundoc, afraid that she might say that she did not like it. Bahagya niyang ibinaba ang salamin niya sa kanyang ilong at dahan-dahang ngumiti.

"The PowerPoint presentation is amazing, Rafi. You have a talent in designing. Keep it up."

Tipid akong ngumiti. "Thank you, Ma'am."

Napuri rin kami sa paraan ng pagsagot namin ng mga katanungan from our classmates.

"Pinag-iinitan na yata tayo ng mga nasa front row, tsong," rinig kong bulong ni Rey kay Santi.

Ngumisi naman ito. "Hayaan mo sila. Kindatan ko lang 'yang si Marie lulubay na 'yan tamo."

Hinampas siya ng papel ni Malia sa likod. "Magseryoso nga kayong dalawa riyan!"

Nailing na lang ako.

Ginanahan silang magtanong sa amin dahil mabilis namin silang nasasagot. Hindi na namin kailangang saluhin ang isa't isa dahil alam namin ang pasikut-sikot sa topics. 'Yon ang pinagkaabalahan namin ng mga sumunod na meetings, eh. We discussed to ourselves and pointed out our errors. We learned and we performed well.

Matapos ang reporting ng grupo, we decided to have our little celebration. The three of them are locals here and they said that they know the best place to celebrate. Usually raw ay doon nagpupunta ang mga estudyante ng CNC pagkatapos ng hell week to celebrate.

"I'm sure hindi ka pa nakakapaglibot sa buong Casa Nueva," si Malia habang tinutusok ang fishball. We just got out of school.

"Maraming magagandang pasyalan dito, Senyorita. May falls, peak, at ilog na dinarayo kahit ng mga nasa karatig bayan," si Rey naman ang nagsalita bago kainin ang kikiam niya.

Inabot sa akin ni Santi ang isang baso ng fishball, hindi karamihan. "Kumakain ka ba nito?"

I pursed my lips. Honestly speaking, I haven't tried it. But they seem to enjoy the street food kaya masarap naman siguro.

"Malinis 'yan. Try mo lang. Kapag ayaw mo na, ibigay mo na lang sa akin. Sayang," he chuckled.

Tinikman ko iyong isa. Okay naman. Masarap. Medyo maanghang din ang sauce na inilagay niya.

"Masarap ba, Rafi?" nakangising tanong ni Malia.

Tumango ako, hindi pa makapagsalita dahil nginunguya ko pa ang nasa bibig ko.

"Mas masarap pa ako riyan, eh," bulong ni Santi pero mukhang narinig din ni Malia at Rey.

Nasamid si Malia. Ibinalibag naman ni Rey ang baso niya kay Santi. Buti na lang nakailag siya kundi paniguradong mamamantsahan ng sauce ang puti niyang polo.

"Tarantado ka, Santi!"

Nagtawanan sila.

"Sa Dupinga River na lang tayo magpunta sa susunod na Biyernes tutal ay may meeting daw ang teachers no'n at wala tayong pasok," Santi suggested.