السلام عليكم هذه قصتي الاولى بالواتباد اتمنى تنال اعجابكم طبعا هذه قصه خيالية ولكن لاتخلو من العبر هذه قصة تبين الحب الحقيقي الذي ترسخ بالقلب رغم كسراته المتعدده
##وعدتني
بأن يكون مابيننا أبدي
ونسيت أن أسألك : اهو حُبك أم وجعي !
# تعريف _الشخصيات
السلام عليكم اني زهرة عمري ٢١ سنه طالبة في كلية الصيدلة عندي ٤ اخوات منى وسهى وياسمين وجوري واخ واحد مرتضى .
€اختي منى متزوجه وعايشه بتركيا هي وزوجه ومستقرين هناك عده ثنين بنات وثنين ولد (رانيا عمره ١٠سنوات وانفال عمره ٨سنوات ومحمد وعلي توأم بس ميتشابهون عمرهم ٦ سنوات ) €أما اختي سهى متزوجه يمنه وعده ولد وبنية (زينب عمره ٣ سنوات و مصطفى عمره اربع ونص )
€أما ياسمين مامتزوجه عمره ٢٥ سنه وربة بيت لان تكره الدراسه
€أما جوري مامتزوجه عمره ٢٤ سنه متخرجه من كلية طب اسنان ومتعينه بالمستشفى
€أما مرتضى متزوج ومرته حبابه كلش واسمه أيناس وعمره ٢٧ سنه بس لسه ماعدهم اطفال بس هم صارلهم سنه من اتزوجو يعني ماكو مشكله لسه صغار بس العجايز شيفهمهم ههه
طبعا اخويه يشتغل بمحل موبايلات خاص بيه
اما ابوي العزيز موظف بالبلدية كاتب ماعنده شهادة كلية عنده اعدادية
اما امي الحلوه مدرسة احياء بالاعدادية
# احنه سكنة محافظة النجف منذ نعومة اظافرنه اجداد اجدانه هنا بس كلهم ماتو
وهسه ننتقل لوصف اعمامي
عندي ٣ اعمام
(علي و محسن وسجاد ) طبعا ابويه اسمه حسن وهو الجبير يجي بعده محسن وراه سجاد وراه علي
#نوصفهم هم وعوائلهم :
**عمي علي متزوج وعنده ولد وبنية البنية اكبر مني بسنه اسمه نور نور ربة بيت متحب الدراسة
اما ابنه اسمه محمد ومحمد همين مادارس ويشتغل شغل حر ومتزوج وعنده ٣ جهال وعمره ٢٥ سنه.
** عمي سجاد متوفي من شبابه وبعدين تغرفون السبب
**عمي محسن اه ياعمي هذه هو حسرة العائلة وحقده نكدر نكول الي ادمر كلشي بسببه راح تعرفون قصته بعدين بس للتوضيح هذه عمي منعرف عنه شيء وحتى جهاله منعرفهم وهو هم ماسكن بالعراق سكن بدبي وبعدين بالاردن
بس محد بالبيت يجيب طاريه والي يحجي بيه ينحرم من الاشياء الي يحبهن مثل منكول كاسر كلوب اخوته.
## عماتي الحلوات :
(ازهار وانتظار وانتصار )
¥¥ عمتي انتظار متزوجه وعده ٢ بنات و٢ ولد
( احمد ٣٠ سنه متزوج وعنده جهال وسجاد ٢٨ سنه خاطب خريج كلية هندسه ومتعين معرف شلون لكه تعين ههه
ومؤمل العلة اكثر واحد يحشش بالعشيره كله عمره ٢٥ كلية اداب ويشتغل بالمحلات ويه ابوه واحمد )
(البنات روان وبتول روان عمره ٢٤ سنه خريجة كلية تربية قسم انكليزي بس غثيثه ومنحبه تتعيقل تكول خريجة طب مو انكليزي وتتفيك بالاختصار غثيثة العائلة وبتول عمره ٢٠ سنه اصغر مني بس طيوبة وقلبه ابيض مو مثل اخته وانقبلت صيدلة مثلي ودائما تجي ادرسه وصديقتنه اني ونور بت عمي كلش طيوبات وحبابات ).
££ نجي لعمة انتصار هاي بعدين نتعرف علية لان هي تسكن بتركيا ومستقره وطبعا قريبه على بيت اختي بس منشغل نفسنه بالتعريف عليه لان بالبداية مراح تكون موجوده
(لاحداث تحصل تضطر دخول شخصية انتصار واله دور كبير وبالاخص بالنسبة لزهره وراح تساعده فنتعرف عليه من يوصل دوره )
€€عمة ازهار عشقي هذي قلبي وكلشي عندي هذه عمتي عمره حاليا ٣٧ سنه بس الحياة جارت وياه هواي واذته عمتي ازوجة من عمر صغير جان عمره ١٥ سنه وزوجه استشهد بانفجار بغداد جان رايح يجيب بضاعه وجانت حامل ستوه وجابت بس الطفل ماطول يومين ومات وعمتي روحه فرفحت على ابنه وزوجه وكتئبة وكرهت دنيته الى ان اجيت اني للدنيا جنت بسمة امل اله امي نطتني اله حتى تطلع من وضعه الي هي بيه طبعا هي كاعده ويانه لان اجدادي ميتين قبل زواجه من زمان وبعدين تعرفون السبب فربتني واعتنت بيه ونست حياته كله علمودي واصيحله ماما هم وهي روحي من الدنيا احبه هواي ودائما تنصحني حتى تصرف علية على الرغم حالتنه زينه متوسطه بس هي تصرف عليه من راتب زوجه الشهيد لان جان موظف وعنده محل غذائية فبقو املاكه الهه لان ماعنده اخوه ولا خوات واهله ميتين .
⚡⚡نجي الى وصفي اني بنية حلوه شعري بني طولي متوسط ١٦٢ وزني ٦٠ وعيوني كبار عسليات طوخ وحنطية ملامحي طفولية وناعمة بس حلوات شفايفي منفخات شوية تكول مسوية الهن بوتوكس هههه على كولة عمة ازهار كرزايه اني انسانه عصبيه ووكحه بس بادب احب الكتب والمسلسلات والافلام ومتعلقه بيهن والاغاني هم بالبيت يصيحولي زهيره الخبلة بس اني ظريفه والطف الجو واسحب العصبيه وتوتر البيت.
احنا ساكنين بيت جبير ويه عمتي ازهار بالنسبة الية اني ابات بغرفة عمي مسوين اني ويه غرفة تخبل .عمي علي وعمة انتظار ساكنين شوية عنه بس مو كلش قريبين بعاد شويه عن حينه .
ولهنا خلصت وصفي وصف عائلتي اتمنا استمتعتو
¥¥خلصنه وصف بكلتنه وحياته واقربائه طبعا اخذنا جانب اقربائه اهل ابوه وصفهم لان الهم دور مهم في القصه والهم تأثير عليه بكمية جبيره اما بقية الاقارب راح يذكرون ضمن البارتات اذا كان هنالك حاجه لظهورهم طبعا عدنه كم شخص من اقاربة يحتاجون الظهور ولكن نكتفي بهذه الوصف
ونشوفكم على خير في امان الله ❤🌻
تحياتي 👋
