သူမစောင့်မျှော်နေသော ရုံးဖွင့်ရက်ကျမှ အိပ်ယာထနောက်ကျသောကြောင့် ကားကိုအတင်းမောင်းလာသော ကောင်မလေးတစ်ယောက်...
မနက်စောစော ကုမ္ပဏီရှေ့က ဗန်ဒါပင်အောက်မှာ ရာသီမရွေးနေရောင်ခံနေတတ်တဲ့ ကောင်မလေး ဆောင်း...
ပါးပြင်ပေါ်သို့ဆင်းသက်လျှက်ရှိသော နေခြည်နုနုလေးများ...
မနက်စောစော စိတ်ကူးကိုယ်စီ၊အတွေးကိုယ်စီနှင့်ပြုံးနေကြသော နှုတ်ခမ်းေလးများနှင့်နေ့စွဲလေးသည် ယနေ့ပင်ဖြစ်သည်။
ဆောင်းတစ်ယောက် မနေ့ညက ရှစ်နာရီထိုးတော့အိပ်ပျော်သွားပြီး မနက်စောစော နိုးနေသောကြောင့် စောစောလာကာ ဗန်ဒါပင်အောက်တွင် နေဆာလှုံနေခဲ့ခြင်းဖြစ်သည်။
စောစောအိပ်ပျော်ရသည့်အကြောင်းမှာ အရင်နေ့ညက ခွန်းနွေ၏ Surpriseကြီးဖြစ်သော / ငါ့နောက်လိုက်မှတော့ ငါ့ကိုကြိုက်လို့နေမှာပေါ့ဆောင်းရဲ့/ ဆိုသည့် စကားကို ထပ်ခါထပ်ခါပြန်ကြားနေသောကြောင့်ဖြစ်သည်။
ဆောင်းအတွက်တော့ အံ့ဩတာထက်ကို ပိုနေခဲ့သည်။
ခွန်းနွေမှာ အသားဖြူဖြူ၊ပိန်ပိန်ပါးပါးနှင့် ချောရုံသာမက တခြားယောက်ျားလေးများထက် နုရည်ဖက်ရည်ရှိသည်ကို သတိထားမိသော်လည်း ယခုကဲ့သို့ ဖြစ်လာမည်ကို ဆောင်းတစ်ခါမှပင်တွေးမကြည့်ဘူး။
ခွန်းနွေတစ်ခါက ပြောဖူးသည့် ငါ့ကိုဘယ်သူတွေကကြိုက်နေလဲ၊ငါကဘယ်သူ့ကိုကြိုက်နေလဲဆိုတာတွေသာ နင်အကုန်သိရင် လန့်သေသွားမလားပဲလို့ ပြောခဲ့ဖူးတာကိုပင် အမှတ်ရမိသည်။
ယခုပင်လျှင်လည်း ဆောင်းအတင်းအကြပ်မေး၍ မလွဲသာ မရှောင်သာ၍သာ ပြောပြခဲ့ခြင်းဖြစ်သည်။
ထိုနေ့က အိမ်အပြန်လမ်းတွင် ခွန်းနွေပြောပြခဲ့သည်ကား...
ထိုသူမှာ ခွန်းနွေထက်၆နှစ်ခန့်မျှကြီးပြီး ဆရာ၀န်တစ်ယောက်ဖြစ်သည်ဟုသိရသည်။ထိုလူ၏အနေအထားနှင့်ရဲသွေးထက်၏ ဦးလေးဆိုသောအချက်နှင့်ပင် ထိုသူသည် အရမ်းချမ်းသာသော မြို့မျက်နှာဖုံးတစ်ယောက်ဖြစ်နေမှာ အသေအချာပင်။
YOU ARE READING
နွေမှာပျော်တဲ့ဆောင်း / ေႏြမွာေပ်ာ္တဲ့ေဆာင္း
General Fictionရှိရှိသမျှအချစ်တို့ဖြင့် သူ့အားပုံချစ်ခဲ့ပြီး ကျန်ခဲ့သမျှအလွမ်းတို့ဖြင့် ကျွန်မရှေ့ဆက်ခဲ့သည်။