(Unicode)
ဒီနေ့အတွက် ရိပေါ်လုပ်ရမှာက အားယွမ်ကို ထမင်းခွံ့ပေးဖို့။
မနေ့က ရိပေါ် ရှက်ရှက်နဲ့ အခန်းထဲကနေထွက်ပြေးဖို့လုပ်ပေမယ့် အခန်းဝမှာ အပေါက်မဖွင့်တတ်လို့ အကြပ်ရိုက်နေတော့ ရှောင်းကျန့်က အပေါက်ဖွင့်ပေးရပါသေးတယ်။
တံခါးမဖွင့်ပေးခင် နားနား ကပ်ပြောလိုက်တာ ဘာတဲ့ ! တစ်ခုခုပြန်ပေးဖို့စဥ်းစားထား ဆိုပဲ။
ဘာကိုပြန်ပေးရမှာလဲ။ သူ့ဆီက ယူထားတာလည်း ဘာမှမရှိပဲနဲ့ (¬_¬)
အိပ်မယ်လုပ်တိုင်း မျက်လုံးထဲမှာ ရှောင်းကျန့်ရဲ့ မဲ့ပြုံးကြီးပဲမြင်နေလို့ အိပ်လို့မရ။ အိပ်ပျော်အောင်လို့ မျက်စိမှိတ်ပြီး သိုးတွေရေတွက်ကြည့်ပေမယ့်လည်း အလကားပဲ။ ဟိုလှိမ့်ဒီလှိမ့်နဲ့ နောက်ဆုံး ဘယ်အချိန်လောက် အိပ်ပျော်သွားလဲတော့ မမှတ်မိတော့ဘူး။
ဒီနေ့ ကလေးလာထိန်းတော့လည်း အိမ်ထဲမှာ ရှောင်းကျန့်ရှိမရှိ ရိပေါ်ဟာ မသိမသာ မျက်လုံးကို ဝေ့ကြည့်ပြီးမှ အားယွမ်အခန်းထဲကိုလာခဲ့တာ။
ရိပေါ်က ရှောင်းကျန့်နဲ့ မတွေ့ချင်ပါဘူး။တွေ့ရင် မျက်နှာဘယ်လိုပြရမယ်မှန်းမသိလို့။
တစ်နေ့မှာလေးနာရီပဲ အချိန်ပိုင်းလုပ်ရတာက ကံကောင်းသွားတာ။
" ထမင်းစားရအောင် ယွမ်ချန် "
ရိပေါ်က အားယွမ်ရဲ့ ကုတင်ပေါ်မှာဝင်လှဲပစ်လိုက်တယ်။ ခပ်တည်တည်ပဲ။
အားယွမ်ကတော့ ဂိမ်းကိုပဲ သဲကြီးမဲကြီးဆော့နေတယ် ။ကလေးကုတင်ပေါ်ကို ကိုယ့်ရဲ့ ခန္ဓာကိုယ်အကြီးကြီးနဲ့ ပိုင်စိုးပိုင်နင်းတက်အိပ်တာမဟုတ်ဖူး။
ကလေးကုတင်ကိုက လူကြီးသုံးယောက်အိပ်လို့ရလောက်အောင်ထိကြီးနေတာ။
မျက်စိမှိတ်ပြီး ခနလောက်မှိန်းလိုက်ရရင်ဖြင့် ညထိ ပြန်နိုးလာမှာကိုမဟုတ်တော့လောက်အောင် အိပ်ရာကြီးက အိစက်နေရော။
" မစားချင်ဘူး "
ထင်သားပဲ။ ဒီသောက်ကလေးက စကားနားထောင်တဲ့အမျိုးမှမဟုတ်တာ။
DU LIEST GERADE
The Brightest Star (Zhanyi)
Fanfiction(Unicode) နေဝင်သွားလည်း ညဘက်မှာကြယ်တွေအလင်းရောင်ရှိပါသေးတယ် မင်းကြည့် လောကကြီးက သိပ်မဆိုးသေးဘူး ..... (Zawgyi) ေနဝင္သြားလည္း ညဘက္မွာၾကယ္ေတြအလင္းေရာင္ရွိပါေသးတယ္ မင္းၾကည့္ ေလာကႀကီးက သိပ္မဆိုးေသးဘူး .....