(Unicode)
ထမင်းစားပြီး Yamamoto Yuanက အခန်းထဲဝင်လာခဲ့တယ်။
ကုတင်ပေါ်မှာ ထိုင်စောင့်နေတဲ့ ရိပေါ်ကိုမြင်ပေမယ့် ဂရုမစိုက်ပဲ ဂိမ်းဆော့ဖို့လုပ်တော့တာပဲ။
ဒါပေမယ့် အဲ့ကလေးကို ဂိမ်းဆော့ခိုင်းလို့မရဘူးလေ။ ရေချိူးပေးမှရမှာ။
" ယွမ်ချန် "
ဂျပန်မှာဆို ရင်းနှီးတဲ့သူတွေနဲ့ ကလေးလေးတွေဆို "ချန်" ဆိုတာလေး ထည့်ခေါ်လေ့ရှိကြတယ်။ ဥပမာ ချစ်စရာကောင်းတဲ့ကလေးလေးတွေဆို မျိူးရိုးနာမည်ရဲ့နောက်မှာဖြစ်ဖြစ် ကိုယ့်နာမည်ရဲ့နောက်မှာဖြစ်ဖြစ် "ချန် " ထည့်ခေါ်လိုက်ရင် ပိုရင်းနှီးသွားသလိုမျိုး။
ဒီကလေးကတော့ခြွင်းချက်ပေါ့လေ။ ချစ်စရာမကောင်းသလို နည်းနည်းလေးမှကို မရင်းနှီးချင်ဘူး။ ပိုက်ဆံယူထားလို့သာ အဖက်လုပ်နေရတာ။ ကိုယ့်စိတ်နဲ့သာဆို ဒီလိုစရိုက်နဲ့ကလေး ရိုက်စုတ်ပစ်တယ်။
ဘာလဲဆိုတဲ့ပုံစံနဲ့ ဂိမ်းဆော့ရင်းနဲ့မျက်လုံးလှန်ကြည့်လာတဲ့ကလေးစုတ်ဟာဆ်ိုရင် တကယ်ကို ပိတ်ရိုက်ချင်စရာလေး။
မမြင်ဖူးခင်ကတည်းက အမြင်မကြည်လို့လားမသိ မျက်စိရှေ့မှာ တွေ့နေရတော့လည်း ရိုက်သတ်ချင်စိတ်တွေတဖွားဖွားဖြစ်တာမို့ ကိုယ့်လက်သီးကိုယ်ဆုပ်ပြီး အံကြိတ်ထားရသည့်အဖြစ်။
စိတ်ထိန်း သူက ကလေးလေးပဲရှိသေးတာ။ ψ'ー')ノ
" ယွမ် ချန် .....ရေချိူးကြစို့နော် "
" မချိုးချင်ဘူး "
မပြုံးချင်ပဲ ဖြစ်ညှစ်ပြုံးကာ အတတ်နိုင်ဆုံး အသံကိုလျှော့ပြီး ချော့ခေါ်ပေမယ့်လည်း ရိပေါ်ရဲ့ဒေါသတွေဟာ ငယ်ထိပ်ကိုဆောင့်တက်ခဲ့တော့တာပဲ။
ဒီနေရာမှာသာ သူ့ညီဆိုရင် ငါးချက်လောက်ကတော့ ဆင့်ရိုက်ပြီးပြီ။
" မချိုးလို့မရဘူးလေ။ ဥက္ကဌကြီးက အစ်ကို့ကိုဆူမှာပေါ့ "
" အဲတာဘာလုပ်ရမလဲ "
မထိတထိမျက်နှာပေးဖြင့် ဂိမ်းပဲဆက်ဆော့နေတာကြောင့်မို့ ရိပေါ်ဟာ တကယ်စိတ်ထိန်းမရတော့။ ဒီနေ့သူ့တာဝန်က ဒီကလေးကို ရေချိုးပေးနိုင်ဖို့။ ဇောက်ထိုးပဲချိုးပေးရပေးရ ရေချိူးပေးနိုင်ဖို့က အရေးကြီးတာမို့ စိတ်ထဲမှာဘာမှသိပ်ဂရုမစိုက်ချင်တော့။
ESTÁS LEYENDO
The Brightest Star (Zhanyi)
Fanfic(Unicode) နေဝင်သွားလည်း ညဘက်မှာကြယ်တွေအလင်းရောင်ရှိပါသေးတယ် မင်းကြည့် လောကကြီးက သိပ်မဆိုးသေးဘူး ..... (Zawgyi) ေနဝင္သြားလည္း ညဘက္မွာၾကယ္ေတြအလင္းေရာင္ရွိပါေသးတယ္ မင္းၾကည့္ ေလာကႀကီးက သိပ္မဆိုးေသးဘူး .....