لؤلؤات عبر الزمن

البـارت الخامس

الصحبــه تبين بموقف
يبين الكدها واليرجف
اذا بالشده طايح يوم
الفزعه ما اظن تگلف

فيصل عاشور

#لؤلؤات_عبـر_الزمن
#البارت_الخامس
#بقلمـي فاطمه أحمد

ضياء..
رجعنا من المدرسـه وتعب وهوسه جنت جوعان لان اعرف من ارجع للبيت ماكو اكل ..

وكفت اشتريت الي ولـ أيهم علمود ناكلها بالطريق ..
دفعـت الحساب واني اسمع صوت بـريك قويي صار وراي

التفتت واشوف ايهم طاير للسايـد الثاني ..
شمرت اللفات وركضت

..ايييهم ..اييهم.. اييييهم!!!
تسمعني بيك شي شنو يوجعك

أيهم ..رجلييي ذبحتني ولك ضياء وايدي كلش ..

ضياء..كووم اخذك للمستشفى
والتفتت لشباب اجـو يساعدونا
..بس الزموا

..عفته يمهم وهـو بقى صافن شلوون اعوفه
تقدمـت على السايق الي ضربه جان واكف وكلشي ماسوا ..

من حـرگت كلبي ضربته بوكس وركضـوا شباب يردون يلزموني
بقيـت اتلاوه وياه وهو يحاول يدفعني
جسمي رياضي ومتمرن وقوي وهو هلكدوته
كومته وكتله ..امشيي ولي منا يلا
طفـر بسرعة البرق
عفته  و وكفت تگـسي واخذت أيهم للمستشفى..

تلگـونا الدكاتره شرحتلهم وضـعه ودخلوا للفحص ..
الشباب الي وصلونا راحـوا وبقـيت بس اني ..

الوقـت اتأخر خواته قلقن علي هسه واني ابوي اذا اتأخر مايخلي شي ميسوي بيه..

بس صعبـه وهـذا اخووي شلوون اعوفه ..

بقيت انتظر الفحص..
طلع الدكـتور ..ركضتله
..هاا دكـتور بشر فدووه كول مابي شي

..اطمن مابي شي رجله اليمنى خلع صاير بيها فتره وتطيب بـس ايده اليمنى مگـسوره وراح نچبسها ..

..سووا كلشي المهم يطلع سالم

..انت اخو

..جريـت حسره وانـي اتذكر ماضيي..وكتله ;يي

..الله يديـم خوتكم يلا اني اروح

سوو ايده ورجله وطلعنا بعـد ساعه ونص اخذنا العلاج والدكتـور كال لازم كل كم يوم تجون نشوف وضعه..

طلعت وياه ووصلت لبيـتهم ..
دگيـت الباب وطلعتلي وحده ..

طويـله وبشرتها حمره والحواجب مطابكه من  العصبيه وعيطـت
..منووو

..ااا خاله هـ
قاطعـتني وهي تكول
وخلخلاله شايفني عجوز وتكلي خاله هازه كاروكك خاله كوول خلصـني شرايد

..اا هـذا أيهم سوو حادث وانـي جبته فـ عادي تسـويلي مجال ادخـل اخلي واطلع

..ادووور!!
خاااااب ماااهر ولك مااهر تعال