لؤلؤات عبر الزمن

البـارت الثـانـي والثـلاوثـون

سألتني گبل حبيت ؟
گتلهآ انه انحبيت بس ما حاب صدگيني
ولآ فد يوم صار الـ هسه صار وياي ..
اول مره اگول لـ وحده حبيني !!

...............
" لـؤلـؤات عـبـر الـزمـن "
..بـ قلمي ˝فـاطـمه أحـمـد˝ ..

البـارت// الـثاني والثـلاثـون

❄️

°• فيـروزه °•

كمت واني لابسه تراكسود البيت وشعري مگـوش ..
فتحت الباب صارت بوجهي ..
صفنت افوك بعيوني ..هاي شجابها؟!

ـ هلووو

ـ هلا ، سجى!

ـ اي عيوني ناسيتني لاتسألين لاتكولين

ـ تفضلي تفضلي ..

فتحت الها الاستقبال ودخلت ..
ـ منـا مريت على بيت خالي اني وماما نزلوا جديد وكلت امر عليج ، شونج اخبارج شنو هاي لابسه حلقه !

ـ اي غيـر مخطوبه وانتي تعرفين

ـ اي اعرف بس شنو صار شكد مناوين تتزوجون!!؟

ـ لا ان شاء الله من اخلص الجامعه

ـ حييييييل شنو هاي الي وياكم عدهم طفل بالروضه

ـ مااريد اتقيد بـ بيت ورجال ومسـؤوليه .. ارتب اموري وهم قسـام بعده وضعه مو مستقر

ـ هاااااا وبيت وحدگـم لو ويا اهله

ـ لا ويا اهله هو يمنى ويسرى كم سنه ويتزوجون ان شاء الله وهو بس قسام عندهم يبقون وحدهم!
ولا اني الي اكدر اشيل مسؤولية بيت وحدي ..

ـ هاااااا ، اي اني انخطبت باركيلي

ـ مبروك لـ منـو انخطبتي

ـ استاذ جامعي بـ كلية بغداد.

ـ هااا اي مبروك

ـ اي ودنجهز هالفترا عرسنا ماتجين!

ـ لا شنـو يجيبني ..

.. عفتها وكمت رحت جبت كيك وعصير قدمتلها وكعدنا نسولف شوي وراحت .. باوعت للشـارع سيارة قسام موجوده شنـو معقوله ماطالع وساعه 5 العصـر!

لبست عباتي ونعالي ودگيت الباب .. صفنت هاي اني شسويت هسه شيكولون علي جايتهم ب 5 العصر بعباية اميمه ونعال البيت ..

عود شنـو اريد .. ردت ارجع بس الباب اني دكيته عيب.
بقيت واكفه وادورلي عذر ..

انفتحت الباب وصارت ام قسام بوجهي .. حسيت وجهي كب نار من الخجل عزززا

ـ صاحت هلا خاله تفضلي تفضلي

ـ هلا عمه شونج
باوستها ودخلت وسديت الباب ..

ـ هلا بيج، شعجب منورتنا اليوم

ـ ماكو والله كاعده ماعندي شي وضوجه كلت اجي وي البنات وهم ادرس