لؤلؤات عبر الزمن

البـارت الثــلاثـــون

اليعصر أظنون الهوة اتسولفلة ناي
اليعثر بوجة الجرف يحجيلة ماي
التخدر بعينه السوالف يلبس الصفنة ويجبك

وإنتَ ياخصر الشواطي شگد نوارس تشتهيك ؟
لا تواعدني إعلى باجر !
النهر لو فاض شوگه ايغازل اخدود الگناطر

- كاظم الرگابي

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// الثـلاثـون

❄️

// بـارت طـويل لعيونكم ❤️

°•فيروزه °•

..من تكون كاعد وصافن وتحس بروحك وحيد انجمع وي اهلك اكعد وسولف واضحك وفضفض واشتكي الهم همك ..
خليهم اول الناس يعرفون بـ همك
وفرحـك ..
من تكون وحيـد وتعتقد ان الاخوه بس الي من الاب والام هذا خطأ ..
وابسط مثال .. حيـدر ، ماهر ،  وضحه ، اخواني من ابويه
ماقصـروا بيوم ولا راح يقصرون اني واثقه من هذا الشي ..
وضحه جانت نعم الاخت بالشده وكفتلي وساعدتني هواي شنو يصير بحياتي اروح اسولفه الها لو كنت حايره ..
راح تنصحني وتعلمنـي الصـح ..

ماهـر الي متعرف مزاجيته ،  ساعه معصب وساعه فرحان ..
ساعه يثق بيه ويحجيلي وساعه يكلي مااحجي اي شي ومااثق بـ اي احـد..كلبه طيب ويحبني متأكده واعرف هالشي وواثقه هم ..

حيـدر الي ماعشت وياه هواي لكن قبل جنت اضوج منه وجان عصبي بس اعتقد زواجه وحُـبه للبنيه الي يحبـها
خلا يصيـر شخص ثاني وصاحب كلب طيب ..

أيهـم ابن امي .. اكثر واحد قريب الي لو مهما صار ومهما يصير مااراح اخذله بيـوم .. احسه مثل ابوي ، مسـؤول عني وينصحني ويركف وياي ويساعدني .. ماكو كلام يوصف اب! فلذلك ايهم مااكدر اوصفه بس بكلمه ( أبـوي)..

صدف .. اختي الي مااعرف شنو اوصفها .. الاخت الي تعبت وياي هواي وساعدتني هواي ، احسها اكبر مني ، تنصحني وتعلمني ودائماً تكون مقربه مني ..

.. الله حرمنـي من امي  بس رزقني بـ( أم) ثانيه ..
ربتني وكبرتني من عمـر 4 او 3 سنوات
وماتعبت ولا كالت مالي علاقه،  رغم صياحها وعياطها وضربها ربتنا وكبرتنا ووصلتنا للي احنـا وصلنا اله اليـوم ..

الله حرمنـي من اهلي بـ عمر صغير حييل ..
لكن رزقني بـ اخوه واخوات مايتعوضون ..

.. التمينـا على سفره وحده والسوالف والضحك .. شوي وشلنا السفره كمنا اني وضحه غسلنا المواعين علمود نخلصهم بسرعه ونكعد ..

اجت ورانا مريم ..

ـ  اساعدكم !!

ـ لا ولج شتساعدينا انتي خطارنا

ـ لا عفيه لتعتبروني خطار

ـ چا شنعتبرج؟

ـ غير جنتكم؟!!