لؤلؤات عبر الزمن

البـارت السـابـع والأربـعـون

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// الـسابـع والأربـعـون

❄️

°•صـدف °•

بعدما خلصت مكالمتي وي فيروزه لبست جبه فوك ملابسي وطلعت على السريع لازم اروح اشوفها لايصير عليها شي ..

بلغت خالتي وطلعت للشارع وكفت تكسي ورحت الهم دفعت الكروه ونزلت دگيت الباب محد يرد ..
باوعت بيتنا مفتوح دخلت جوه لكيت ابهم يريد يطلع

ـ ايهم تعال شوي

ـ هاااااا صوص شجابج!

ـ فيروزه ، يعني قصدي قسام ،
صار يومين مختفي ويكولون احتمال ميت اتصلت بيه فيروزه تعبانه وجاي تنزف البنية حاامل وصوتها وهي تحجي حييل خوفني وجاي ادك بالباب محد يرد ..

ـ عـززا العزاج اميممه لج هاي شدتحجين صدف

ـ عممه ، جنتي تسمعينا !

ـ عوفيني من اسألتج امشي نرجع اني وياج نكسر الباب شنو مايفتحون وبتنا راح تموت جوه

طلعنا وطلع ورانا ايهم بقينا ندك بالباب ومحد يجي راد يكسر ايهم الباب كلته اوكف اخابرها اتصلت بيها وكلش بااخر رنه جاوبت

ـ هاا فيروز....

ـ هلا صدف

ـ يمنى!!

ـ شكوو عفيه فيروزه صار عليها شي

ـ لا حبيبتي مابيها شي بس امي وكعت وكلنا اجينا وياها راح ينيموها مستشفى وفيروزه شوي تعبانه راحت تسوي فحوصات وتجيب علاج

التفتت لأيهم
ـ عمه ام قسام متخربطه وماخذيها للمستشفى

ـ كوليلها خلي تنطيج العنوان

ـ تمام ،  يمنى اريد العنوان

ـ ايي مستشفى .............. قريبه من عدنا

ـ تمام حبي بيباي

يلا امشونا ..

توجهنـا للمستشفى لكينا فيروزه هناك هستوها طلعت من غرفة التحليلات
ركضت الها
ـ ها بشري شنو طلعت التحاليل؟!

ـ ايي اني قبل لايروح قسام حللت منزلي وطلع خطين بس خفت يطلع مامضبوط ومابلغته وماصارتلي فرصه احلل دم وهسه تأكد الخبر واني بهذه الحاله مااعرف افرح لو اضوج

ـ حبيبتي خلي ايمانج قوي قسام ميعوفج خليج واثقه منه

مسحت دموعها وتقدمت لاميمه وبجت وهي تهدأها ..
سلمنا على ام قسام وكعدنا صبرناها شوي ورجعنا ..

رجعت من المستشفى دايخه وحيل لعبانه نفسي كبل دخلت للحمام سبحت وطلعت ضربت ريحة فراوله بخشمي نزلت للثلاجه طلعت علبة فراوله كامله اكلت ..