لؤلؤات عبر الزمن

البـارت الثـالث والعشـرون

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// الثالـث والعـشـرون

❄️

°•مريـم °•

كعدت انشف بوجهـي بعدما غسلته .. مااحس الا الباب اندفـع بقوه ..

شلت راسي مرعوبه واشوف امي جرتني من شعري واني الزم باايدها واصرخ ..
نزلتني الدرج واني اعيط .. بابا طلع على عياطي نزل يركض بس مالحكها ..

سحبتني ودفعتني بالسياره وزوجها يسوق بسرعه انسد الباب وتحركت السياره ..

بقيت احااول افتح الباب واصررخ ;- طلعوووني طعونيي شتريدوني منيييييي

ـ لج ^^^^^^ تردين تتزوجين بدون متكوليلي لج اليوم موتج على ايدي اريد اعرف شلوون تتزوجين، واللههه واللهه يااا مريم ماارح تتزوجين غير  ابن مسلم (زوج الام)

ـ مااتزوجه مااتزوجه لو تموتين اني مووو مثلج اني اتزوج الشخص الي احبه وابقى ويااه طوول العمـر وفيه انـي مو مثلج اتزوجه علمود اقااامه ..

جانت كاعد بالكرسي الامامي  التفتتلي ضربتني راشدي وتفلت بوجهي وزوجها يغلط ويفشر فشاار ماسامعته بحيياااتي شي يقشعر البدن منه

التفتت للجامه ابجي .. شسوي ويين ماخذيني شنوو وضع بابا شنو راح يصير بحيدر من يعرف .. بقيت ساكته والدموع تنزل..

يومين شغل وتحظيرات وتعب وفوكها تعب اليوم والعقد والروحه والجيه وبالاخص هسه وقت نوم ..

من التعب مااحسيت الا نمت فزيتي من ركنـوا السياره باب البيت وامي تعيط علمود تكعدني ..
رفعت راسي اشوف السما .. فجـر وجو باارد حييل الكاع بيها مي مبلل وثلج بعده ديذوب ..

نزلوني ولازمتني من عگـسي .. دخلنـا لبيت اول مره اشوفه ضخم حيييييل وجبير .. حاولت اعرف المكان جان شبهه مهجور الارض ثلج وبيوت متباعده تقريباً بالمنطقه كلها 7 بيوت ، صعدتني الدرج واخذتني لغرفه بالطابق الثاني شمرتني بيها وقفلت الباب ..

بقيت ساكته مااعرف شنو اسوي ..
التفتت استكشف الغرفه جانت غرفه عاديه مؤثثه ايطاليه ..

تمددت على الفراش ونمت .. فزيت ظهريه معدتي تصـوفر من الجوع .. مااكو ثلاجه ولاحتـى مي ..

كمت ادك بالباب ، اسحل بنفسي كوه احس جسمي هلكاان كلش بلا اكل وتعب يوميين تقربت من الباب قرفصت وكعدت اضرب بالباب واصيح

  .. ;- منوو هناا جيبوليي اكلل جوعاانه ،  احد يفتتح الباب ، حرررام علييييكم طلعووني مااريدكم مااحبكم  اووووف رااح اموووت راااح اموووت

ماكـو جواب والبيت حيل هدوء ماكو اي صـوت ومن احجي يصير صدى بالغرفه ..

كوه سندت نفسي ووكفت ادور بالمجرات بلكي الكي فد اكل او تلفون اتصل على حيدر او بابا وماكو اي شي ..