لؤلؤات عبر الزمن

البـارت الرابع

ابچي من زودة حلاتك
وابچي من واهس الساني
بطاري ذچرك
موبديه عادة وحياتك
ماعرفتك زين الا  بضيجه
من ضيجات خلگي
وزينه من زينات ذاتك
يا أصل كل ماي
گلي شنگص الماي بفراتك

مظفر النواب ،

//لؤلؤات عبـر الزمـن//

بقلمي ..فـاطمه أحـمد

البـارت الرابع:

1997/2/10 بـغداد .العراق

دنـيا ليل ومطر ..
واكف بـ كراج البيت وراسي للسما،  ايد بـ جيبي وايد بيها اشرب جكاير

من ضيمي وقهري تعبت ياناس ومحد يفهمني ..
تربيت بلا ام ولا ابو
اني وثنين بنات !!

جريت حسره والتفتت لكيت ماهر واكف وراي تقدم وطبطب على ظهري ووكف بصفي وخلا ايديه بـ جيبه ورفع راسه

ماهر ..ايي دنـيا ما بيها كل راحه لاتظن ترتاح تبقى معلعل الاان تموت .

أيهم..لاتكلي هيج دخيـلك نفس حچاية امك .

ماهر..امي بـ قصد واني بقصد ثاني .
ااوف يخووي تدري اني عبالي بس اني عندي هم بس لمن وعيت وشبيت وعرفت مصابك كلت تهـون مصيبتي.

أيهم ..كلمن ومصيبته ومالومك انت ومصيبتك بس اريد اعرف شنو مصيبتك ؟!

ماهر ..هـاا لا ماكو شي انـي اروح وانت لاتبقى واكف روح نام .

جريته من ايده ورجعته لـ مكانه ..
تعااال شنوو تضحك علي انت ، وضعك ماعاجبني هّــلَــ كم يوم واريد اعرف اخوي شبي ؟!

ماهر.. مابي هذا چني العافيه بس عـوفني دخيلك اريد انام

أيهم..اشرد هسه بس ماتشرد مني بعدين

راح وراد يدخل صاح
..عود الله كريم البعدين يمكن خاطبينها الي

وركضتله وصحت ..يااهي ولك

ضحك وصعد لغرفته ..
اني هم ذبيت الجكاره بــ الكاع  ودستها ودخلت
رحت لغرفه اخواتي غطيتهن مـثل كل مره وطلعت للصاله ..

مكاني الانام بي ..
فـارشه الفراش فيروز مثل كل مره ..

تمددت ومااجاني نـوم لحد ماا آذن كمت طلعت للمغاسل البـره توضيت ودخلت صليت ونمت ..

كعدت الصبح على صياح مرة عمي كمت
واني افرك بـ عيوني نعـسان ومانايم للفجر بس بعد محـد يبقى نايم و وراي دوام ..

طلعت غسـلت وجهي ونشفته فتت من يم غرفة اخواتي
فيروزه كاعده مقابيل صدف وتلبسها بـ قميصها وتحجي وياها ..

مشيت اخذت ملابسي وبدلت واخذت كتـبي وطلعت
بـ الكراج انتـظر البنات اوصلهن .

طلعن يباوعن كالت فيروز:-
لعد ماتتريك أيهوم ..