لؤلؤات عبر الزمن

البـارت الثـامن عشـر

البارحه مگابل حنيني وماعرفته ! شگد كٌبر
اني والشباج نگعد نحچي بيك ،،
ويگعد ويانه مطر ،،،
تدري اذكرك وابچي واركض
حتى احط راسي اعلا چتفك بالصور

ل باهر الجنديل🍁

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// الثامـن عـشـر

❄️

اميمـه ;- انـي قررت ازوج ماهـر ..

ماهـر ;- يممه بس .......قاطعته وهي تحجي ببرود

ـ شنو الـ بس انت كبرت ولازم تتزوج وان شاء الله يوم الـ أيـهم ولو يمكن مو اني الي راح ازوجه ..

ـ يمممه شنـو هالحجي قابل احنـا زعاطيط وانتي تتحكمين بينـا.

ـ لا يمه مو زعاطيط بس اني امكم واميز الزين من الشين ، المهم انـي اجيت انطيكم خبر مو اخذ رأيي.

كامت وعافتنا وراحت وراها صعدت لغرفتها وماهـر يشيل روحه ويركعها شلوون تزوجه ..

عافنـي وطلع ..

ردت اكوم دخـلوا فيروزه وصدف ..

صدف ـ شبيكم هاي شبي ماهـر ؟؟!

فيروز ـ حتـى ما سلم علينـا !!

أيـهم ـ لتخافون مابي شي على سالفة الزواج
..كولولي انتم شسويتوا ، تونستوا !؟

صدف ـ ايي وحـتى .......جاي تحجي ودخل ماهر يصيح ..

ـ فيرووووووزه

ـ ها ماهـر !

ـ منو اخذكم بالسفره

ـ المُدرسات غيير !!!

ـ الساييييييق منووو ؟؟؟؟

ـ قس..قسام

هي حجت اسمه وهو ضربها ..هذاااااا الولد ماااريد اشوفه وياااااج بعد فااااااااااهمه..

أيـهم ـ شبييييك شبييك ليش تضربهاااا.

عافه وطلـع وأيـهم طلع وراه ..
وفيروزه صعدت تبجي ..

صـدف ـ شنو من عائله هايي مايوم يمر اذا ماكـو مشكله ..

صعدت لغرفتي غيرت ملابسي ودخلت سبحت ، طلعت لـ فيروز كاعده وتبجي ..

.. دكاافي شجاج اصلاً تعودنا !

ـ ولا بيـوم متوقعه ماهر يضربني مااعرف شبي وياي هالايـام كل يـوم يعيط ويصيح علي وصلت بي يضربني وعلى شنـوو مااعرف!!

ـ عادي هو هالفتره نفسيته كلش زفت ، دكومي غسلي وسبحي ورانا طلعه بالليل.

ـ ايي هسه راح اكوم عود جيبيلي ملابس.

ـ تمام.

°•أيـهـم °•

طلعت وره ماهـر شو هذا راح وره قسام وضربه بوكس وكعه بالكاع ، اخواته دخلوا جوه يصيحون ابوهم واني ركضت على ماهر  لزمته ;- لك هااي شدسويي؟؟