لؤلؤات عبر الزمن

البـارت الاول

غشمة احنه وبلاية گلوب
ونأمن بدنيانه
نضحك وي كل الناس ثاري الماي جوانه
شبينه وماحسبنه حساب
لا انتِ ولا انه
بنادم گلبه يدليه
بنادم عينه ميزانه
دنيا موالفه للغير گوه نريدها ويانه
كافي من العتب واللوم چا شيفيد يفلانه
من شفنه القطار يصيح
طير وشاف جنحانه
شال الناس كل الناس وانه وياچ خلانه
تعبان شكثر تعبان
وانتِ وياي تعبانه
رجعنه من المحطة بليل
چنه وجوه دفانه

#كاظم_اسماعيل_الكاطع🍃♥️

((#لؤلؤات_عبر_الزمن))

#البارت_الاول
#بقلمي_فاطمه_احمد
كاعده اكوي بـ ملابس عباده وايهـم واكف يم رجلي يريد افتحله الباب..

حابسته بلغرفه لان اميمه بس تشوفه..
يلعب ويه جهالها تضـربه فـ دائماً اخلي بلغرفه ..

ومخليتله العاب ومگعبـات ويلعب بس اكيد يضوج وحده
خلصت كوي ورحت اخذته اسبحه حسيت احد دخل للغرفه لان الحمام بداخل الغرفه ..

شهله;منـوو!؟

عبـاده;انيي انيي

_ها ابو ايهم اليوم متأخر؟

_والله جاي تشتغل على المعامله صار 3 ساعات وعادل وياي عود كلت يتوسطلي تالي محد عرفه

_ان شاء الله تصير ونخلص وتنقل ..
والله فد اقلق عليك ومكانك خطر

_ان شاء الله،  شهله اذا الاكل جاهز بروح اهلج صبيلي نعساان اريد انام فدووه

_تدلل ثواني والاكل يمك

رحت صبيت وردت ادخل للغرفه تخصرتلي اميمه
_عيني الاكل صار رايحه صينيه داخله صينيه شكوو عييني خو تعالو بلصاله واكلو لو اله بغرفتكم

_والله نريـد ناخذ راحتنا وهلشي ميخصج
..دخلت ودفرت الباب برجلي

_هاايمعـوده شبييج نززتيني

_ماكو هايي الحقيره اميمه
تكلي ننن،،وبقيت اقلد عليها وهو يضحك

_يمعوده دجيبي الاكل اكل وعود روحن تكافشن براحتجن

_ياااااا
وفتحت حلگـي

وهو كام يضحك بصوت عالي
_تعاييي شنوو عبالج انيي اعوفج الها

تغدينـا وشلت مواعيني غسلتهم
ردت اطلع ودخلـت هيي بمواعينها وخلتهم على الميز..

_اغسليهم

_لييش عينيي هن مو عليـج شكوو انيي واغسلهم لاعبالج غسلت مواعيني عبالج اغسل مواعينج مو خدامة ابوج انيي!!

_ايي ويسواج ويسوه راسج امشيي لج بت الفكر جايتني مااغسل لا اشو تغسلين وغصباً ماعليج

_يااهي هايي بت الفكر وغصباً عليه موو؟؟
شو دتعايي
ولزمتها من شعرها حييل قهرتني وطلعت كل حركتي بيها وهي تعيط واني فوكها اضرب واكطع بشعرها اجه جليل وعباده