لؤلؤات عبر الزمن

البـارت الـرابـع والـثـلاثـون

چا وگلبي هسه إلمن ، چا والعيون الـ بيك حلمن ؟♥️

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// الـرابـع والثـلاثـون

❄️

°• ماهـر °•

رتيـل ـ ماهر اني لازم احجي وياك ضروري

ماهـر ـ كولي

رتيـل ـ عرفت الي صار البارحه كله ومشكـور عل الي سويته كله ماراح انسى الك لكن انـي مااكدر اوافق عليك ..

ـ لييش رتيييل لييش؟!

ـ مااكـدر ماهر بعد كل الي صارلي مااكدر .. الله يخليك اافهمني .. كلشي صار بـ حياتي بسببك ..
تأذيت هواي بسببك الله يخليك مااريد اتأذه اكثر ..

عافتني ومشت.. ركضت وراها ولزمت ايدها

ـ رتيل لاتكسرين كلبي عليج بداعة حبنـا لج من المتوسطه واني انتظرج وصرتي اعداديه وكلت خلي تكبر دخلتي الجامعه وخفت عليج من عيونهم ، تقدملج وصار الي صار ، وهسه بعدما لكيت الفرصه تريدين اضيعج من ايدي ..

..لج كافي علي الي عشته ومريت بي خلي فرحتي تكمل ولو مره بحياتي مرره رتييل ..

خلينا نبدي من جديد .. خلينا نمسح الماضي والي صار كله
خلينا نتزوج ونعيش بيت واحد وي اولادنا خلينا نعيش هذه الحياة خليني اكمل نص ديني وياج ..

شهـگت بـ صوت عالي .. تقربتلها ومسحت دموعها بـ طرف اصابعي

ـ عيونج الحـلوه ماتنزل دموع غير دموع الفـرح انتي بس كولي موافقه تلگيـن العشيره كلها بـ باب بيتكم واليوم خطبتج ..

ـ موافقه

بست راسها ولزمت ايدها بستها

ـ الله يقدرني واكون الج احسن رجال ..

مسحت دموعها وهي تتهرب
ـ اني لازم اروح ..

ـ راح ادز امي واخواتي اليـوم ..
التفتت الي ابتسمت وكملت طريقها.

°•فيروزه °•
كاعدين انـي وصدف الصبـح نتريك .. صبح علينـا ماهـر وطلع لـ شغله ..
بقينـا كاعدين نتريك والنـوم بـ عيوننـا ..

شوي ودخـل ماهر مستعجل والضحگـه شاگـه حلگهه ..
ـ العصـر حظري روحج انتي وامي وفيـو تروحون لـ اهل رتيل

ـ يااي راح اروح اخطب الاخويه يمممه فدووه لـ أخـويه الي راح يتزوج والله لـ ركص ركص ماصاير

ضحك علي وراح صعد كعد ايهـم بالدفـرات ونزلوا سوه وراحـوا يكملون شغل ومناك يبلشـون تحضيرات الخطبه ..

اخذنا كتبنـا وطلعنـا لجامعاتنا ..

°•مريـم °•

كعدت الصبـح التفتت يمي ماكـو حيدر ..
كعدت اتمغط بالفـراش شوي وكمت غسلت وتوجهت للمطبـخ ..