لؤلؤات عبر الزمن

البـارت التـاسع

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// الـتاسـع

❄️

وبيـوم رحت للمطعم مالگيت احد بي ومسدود المفتاح عندي فتحت الباب ودخلت رتبت الطاولات وكعدت احظـر الاكل بس محد بين من الشباب ولاحتى الحجي

سديت المطعـم ورحت لبيتهم
دخلت لشارعهم ولكيت الفاتـحه منصوبه ....

عباس عيونه حمررر دم ولازم الشماغ مخلي على عيونه ويمسح دموعه ..
سامر وهو كاعد يلطـم بهستريه والحجي وعباس وزلم معگله كبارية شيوخ يحاولون يهدأو

_منو المااات وشنو صاااار  !؟؟؟

..ولجججججج يممه ليش تعوفينيييي يمه وحيدح اني وحيدج هان عليج الربى والشكى والتعب يمهه ليش تعوفيييني لييش شلوون انام  تغفى عيني وانتي بكبرج يممه شلون ترديني ارتاح واني راح اتعلعل وراج يمممممه ولج يوووم اسمعي ابنج راح يمووت يممه ،

ولكممم اميي راحت اميي عزيزة كلبي راحت منو الي بعدها ولج يممه  اااخ ياااااااااايمه يااااااااااربي ربيي اخذني وراها لاتخليني بدنيا مابيها روحي ، شلوون شلوون!!

شلون اكل وانتي ماموجوده اللكمه توكف بزردومي يممه ، شلوون انام اذا مو بحظنج يمممه،  شلوون اعيش بدنيا مابيها حنانج هان عليج تعوفيني يووم ، يعني بعد مااشوفج !!!!!! يعني بعد مااسمع صوتج !!!! يعني بعد مااكعد وياج!!!!،  لمنو اشكي همي يمه لمنو،  منو غيرج يسمعني ويطبطب على ظهري ويكلي ’’وليدي انت اعرفك سبع“  اااااااخ يمممه ااااااخ كسرتيـني ييمه كسرتيني.

مسحت دموعي الي نزلت وهو يشكي حزنـه بـ وجع  بعده بـ ااول يووم وتعلعل ،  الدنيا لو مابيها ام ماتسوه شي،   تقدمتله بـ ركض وطبطبت على ظهره وحظنته ببجي ..

_كافي سامر هذا قضاء ربك.

_لك أيهم عافتني ايهم،  ترگتني لـ دنيا حقييره ..شلوون اعيشها شلوون اتحمل الوگت بدونها شلون !!

_اااخ الله يبرد كلبك يخووي

_مايبرد ايهم مايبرد،  اااخ ياااكلبي

..وكام يضرب على صدره بقوه لزمت ايده وحظنتها وشهگ وكام يبجي بصوت عالي ..

على صوت البچي بـ الجادر والكل انقهر على حالته ..

اخذته ووكفنا بره الجادر وحاولته اهدأه وهو ابد ولا كانه يسمعني دخل بـ عالم ثاني .. صوته راح من الصريخ بقت بس دموعه تنزل

غسلنا وجهه وشربنا ماي وحاولنا نهدأه وعباس وياه يهدأه ودموعه تنزل .. حرت اواسي منو بيهم

مرت ايام الفاتحه هو جسـد بلا روح
اول يوم وكف شوي والباقي خلصها حابس روحه ب غرفتها وقافل الباب ويبجي  ..