لؤلؤات عبر الزمن

البـارت الثاني

صدگْ نمشي وعَلينه تمر الايامْ
بَس بكـل گلـب مَحفوُرة الآثار

ما تلـگة بَشر مِن يبـرد أللـيل
يشلع من قميصه لثوبك أزرار

علي جواد الركابي

#لؤلؤات_عبر_الزمن
#البارت_الثـاني

((بقلمـي: فاطمه أحمد))

شهله ;; حالتي تغيرت وحيل تأذيت بـ غياب عباده
اشهر مرت وبعدني بنفس الوجع ..

راح وعااف ولد وراه ..
ماعندي غير ربي اشگـيله..

جان كلشي بحياتي لا عندي الاهل الاستند عليهم ولاابني جبير واكول هو يعيشني ..

راتبه قطعوا من اول شهر بعد وفاته وتضررت بسبه لان كل اعتمادي علي ..

جليل مااكدر اطلب منه عائلته ووامه كُلهـم علي وانـي حمل زايد ، تأذيت هواي..

حاولت الاكي شغل اعين نفسي بي ماكو
اخر شي اخذت فلوس من جوارينا وطلعت للكراج ووياي ايهم مااكدر اعوفه يمهم الكه اميمه كاتلته  ..

الي اخذت منها الفلوس جوارينا(ام لميس)كالت اختها موظفـه ووتأخر بلدوام وتحتاج مربيه لأ طفالها وهم تنظف البيت وتطبخ..
وصلت للشارع جان من الشوارع الراقيه والي مو اي احد يدخلها وحرس كدام كل باب ..

كتلهم اجيت من طرف ام لميس ودخلوني
هي كالتلي هيج اكول..

دخلت البيت كبير
بس الكراج يمكن مساحة 100 متر واجهيته كبيره وطابقين واثاثه راقي وغالي

بهيج ظروف مو اي احد عنده هلشي .

دخلت لكيتها تلبس بكعبها

سمر..هاا عيني ام ايهم موو؟!

شهله..ايي اني دزتني ام لميس اختج

سمر..ايي عيني باعي اني متأخره كولش بس اريد منج تجهزيلنا الاكل برياني لحم وباميا وزلايط وكلشي تمام والاطفال يرجعون ب2 تغيرين ملابسهم وتغسليهم وتغديهم ويدرسون عفيه مااوصيج بعد والبيت نظيف بس الغرف الفوك والملابس

..هزيت راسي بدون كلام

راحت ورجعت..
داده بس احتمال يجوني ضيوف حاولي ينظف البيت من وقت وكلشي اريده تمام وهاا عود من ارجع نتفق على الراتب مالتج وهاا هذا ابنج عادي نومي بااخر غرفه هناك ،واشرتلي على اخر غرفه بـ ممر الغرف
يلا عيني باي..

وراحت تركض مستعجله ..

اخذت ايهم ونومته بلغرفه جبته وهو نايم والنعاس بعيونه ..
الغرفه جانت مو صغير ولاكبيره وبيها ميز وعليّ
فراشات وجراجف ..

مديتله الفراش ونومته وكمت للبيت ..

خليت الاكل على النار ونظفت المطبخ وبعدين رحت للبيت ماجان كلش وسخ لان حسب ماكالت ام لميس
( جان عندها خدامه بس مبطله ).