لؤلؤات عبر الزمن

البـارت الثـالـث والثـلاثـون

مرات البُعد ينـراد
الفرگَه تطول حتى الغَلـط ما ينعـاد
وهي تجاوبه
يوميه ينعآد الغلط ..
حَلي الوحيد آتحمل !!💙

...............
" لـؤلـؤات عـبـر الـزمـن "
..بـ قلمي ˝فـاطـمه أحـمـد˝ ..

البـارت// الـثالث والثـلاثـون

❄️
°• ماهـر °•

طلعنـا كلنـا .. وتوجهنـا لـ بيت اهلها لـ رتيـل ..
تقربت ودگيت الباب طلعلي اخوهـا كتله .. صيح النا بابا.

راح وشوي وانفتح باب الاستقبـال .. استقبلنا ابوها وضيفنـا بس مبين متوتر .. وقلقان وخايف من الي يصيـر ..

ابـو صديقي رجـال جبيـر وطيب اشبهه دائماً بـ حجي ياسين الله يرحمه ..

ماقبل يشرب الشاي مالته وكال ;- الله بالخيـر بويـه

ـ الله بالخيـر عمي

ـ انـي مااشري جايي الا اذا كلتلي محلوله وانت مصدگنـا بـ كل كلمه نكولهـا ..

ـ خوفتني عمي، صاير شي مأذي احد اني؟!

ـ انت أذييت كـلووب محبين .. كل همهم حبـوا بـ صدق وهذي السالفه الي منتهين منها ..

ـ حجي والنعم منك ابو من؟
ـ ابو شهاب ..

ـ حجي ابو شهاب انت على الراس بس هاي سالفه مخلصين منها ومنتهين منها منهـا من نهاية 2004 واحنـا بعد كم يوم ندخل 2007 .. البنيه مخطـوبه ياابني ابعد اذاك عنها

ـ من رخصتك عمي .. عمي اني لو ما احبها ورايدها بالحلال جان ماتعنيت لـ دارك ..
جنت اكدر انهبها واشرد بيها بس هاي مو من شيم اخلاقي ..ولا رجولتي تسمحلي آذي اهلها وآذي اهلي وياي ..

لكن عمي اني اريد اعرف ليييش ليش تمنعني منها وترفضني داكولك رايدها بالحلال داكولك احبها ماجاي تصير الي ، عمري بعد كم سنه يدخـل الـ 40 ..

اسألك بالله عليك .. انت رافضني على سالفة تأخرنا ذاك اليـوم الاگـشر مو اجيناك وتعذرنـا ..
مو اجيتك وبست راسك وكتلك امي وكعت علينـا ..
اجيت لو مااجيت احلفك بعزيز كلبك ..

ـ ابني الكلام مايفيد هسه البنيه على ابواب زواج ..

ـ تعرف الي خاطبها منو وشنو ؟!

ـ ابن اخوي ، اخوي ابن امي وابوي وتربتهم هذا وحده كافي مالا داعي تكولي هو منو شنو ..

ـ السـموحه يوليدي لكنك غلطان .. انت جاي تمدح ب اخوك مو بـ وليده.. وانت تره الي خاطب بنتك ابنه . شنو الي يثبت ان اخوك ربى ولده التربيه الصالحه او بالاحرى نفس تربية اهلك ..

سكت ..
اكتسبت سكوته لصالحي وكتله ..
عمي احجيلكياها من الاخير
ابن اخوك اجاني قبل اسابيع للـ مكتب مالتي ويكلي تنطيني 15 مليـون وافصخ خطوبتها وبـ ايدي ازوجكياها .. ترضاها يبيع بنتك عليّ ..