لؤلؤات عبر الزمن

البـارت السـادس والعشـرون

صافحتني بجف خريفك
يبستلي اوراقي كلها
وجفك بجفي برد
وتعجبت
الدمعة من تنزل ضحك تنزل رخيصة،

- لطيف العامري💚

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// السـادس والعـشـرون

❄️

قسام ..
ـ ولو الوقت مو مناسب واحنـا بالباب بس انـي ماعندي وقت باجر الفجر اني طالع للانبـار بأذن الله ..

انـي اريد اتقدم لـ  فيروزه على سنة الله ورسوله ..

واريد ادز الوالده وتتقدم حسب الاصـول لكن مااريد انرد مثل المره السابقه وهالشي متمنـي منكم ..

واليـوم انـي اجييت انهـي كل العداوه ونبدي صفحه جديده ...

أيـهم .. دز الوالده يخوي وان شاء الله بيها الخيـر

ماهـر .. لاا لا اوكف شنو .....

قاطعه أيهـم وهو يكوله ..

ـ توكل على الله يخوي واتطمن ان شاء الله مترجع خايب ..

قسام ـ تسلم اخويي انـي اتشرف بيكم والله بس تعرف البشر عنده كرامته ومو كل مره يقبل تنداس .. كلت لو صاير شي اني ماادري بي ومسبب هالعداوه الي خليكم ترفضوني ، ف انـي اجي بنفسي وانهي كل العداوه ..

أيهـم ـ لا احنـا اهل ان شاء الله مابينا الا كل الخيـر ..

ـ يـلا بعد انـي اترخص وان شاء الله باجـر الوالده يمكم بلغـوا الاهل ..

ـ اودعناكم ..

راح قاسم والتفت الي ماهر ..
ـ انت عود صدك تحجي لييش كتله يجوون باجر ليش مارفضته ..

ـ وليش ارفضه تره قسام خوش ولد ليش انت رافضه مجاي افهم !!؟

ـ ااااااايهم تره فيروزه مثل ماهي اختك هي اختي واني اعرف مصلحتها !!

ـ يصير اعرف سبب رفضك واوعدك اذا سببك مقنع اني باجر اردهم واعتذر منه ..

ـ ماكو سبب بس اني مااطيقه يااخي ماارتاحله !!

ـ دمشي هسه ولاتجيب طاري بالسياره بس عود كول لامك وخل نشوف رأيهااا ونسولف تمام؟

ـ دمشيي هو انت خليت بيها سوالف ..

اول ماصعدوا السياره سألتهم اميمه ;- شعنده قسام جوارينـا وياكم؟  وشكو؟ وليش تأخرتوا؟

محد جاوبها بس كالولها سالفه ..

رجعت للبيت تعبااانه هلكانه .. غسلت ولبست ملابس نوم وغفيييت ..

.. .. .. .. .. .. .. ..

°• ماهـر •°

غسلت وغيرت ملابسي ورحت لغرفة امي .. كلت خلي اسولف وياها قبل متنام ..