لؤلؤات عبر الزمن

البـارت الثـامـن والعشـرون

ترا احنه هواي متعوبين
خاف تغرك الضحكات
هذا الضحك ما محسوب
ترد للصدك ﭼـذابين🖤.
ـ زهراء حيدر

...............
" لـؤلـؤات عـبـر الـزمـن "
..بـ قلمي ˝فـاطـمه أحـمـد˝ ..

البـارت// الثـامـن والعـشـرون

❄️

أيـهم ..
خلصت حفلة فيروزه والكل راح .. صعدت لغرفتي تعبان
هالاسبـوع هواي صارت اشياء ..

بس تمددت على الفراش نمت ..

فزيت ثاني يوم الصبـح متاخر ..
اتصلت بـ سكرتير الشركه واخذت اجازه.

كمت باوعت للساعه 10 ونص .. كمت سبحت وتريكت وطلعت للمطعم. لكيت الشباب هناك ..

ـ سلامم عليكم ياابه

عباس ـ وعليكم السلام هلا ايهم شونك

ـ والله تعبان هالاسبـوع هواي صارت اشياء وتعبت اركض منا واروح منا

ـ خااايب سميّير جيب لايهـم جاي جاي

سامـرـ هلا ايهم اليوم عدنا ، شونك خويه اخبارك

ـ والله زين انتم شلونكم الزواج شلوونه

عباس ـ خايبب حلوو والعباس دتزووج وخلصنا
.. كرصه سامر بزنده وهو ابتسم ..
راحـوا جابوا الشاي وكعدنا نسولف ..

مكبرين المطعم ومخلين عمال والزبائن زين لان غيرو مكان المطعم وصار على شارع عام ورئيسي فـ صارت علي رجل ..

أيـهم ـ لعد الحجي ويانه هاي مرتين اجي ومااشوفه!

عباس ـ اي الوالد شوي تعبان هالفتـره وصحته بالنازل منتظرين الجمعه وناخذه للنجف هنـاك انطونا اسم خوش دكتور ..

أيهـم ـ هاا ان شاء الله مابيه غير العافيه ..

خلصنا الشاي وخلصنا كلام باوعت الساعه ، 10 دقايق ويأذن وكفت :- يلا شباب بعد اني اترخص لازم اروح وقت صلاة

كمت ودعتهم وطلعت .. بس احس روحي مخنوك بالزايد احس شي على كلبي..
كلت خل ارجع اكللهم اني راح اخذ الوالد مادام عندي سياره وهمين ارد ولو ربع الجميل الي سوو الي ..

رجعت وهم وكفـوا من شافوني ، كحيت وحجيت ;- شباب انتم بالجمعه ترحون موو؟

ـ اي

ـ ايي اني اخذكم بالسياره مالتي لاتدفعون كروه ولادوخه الكراجات

ـ لا عليمن نشوف النا فد سياره ونأجرها

ـ وعليمن!
سيارتي موجوده وهم اروح وياكم وارد ولو ربع الجميل الي قدمه الي الحجي تره ماانسى فضله لولا الله ثم هو جان هسه اني ماواكف بكل حيلي واكول اني مهندس. بـ فخر ..

ـ الله كريم يخويي.....

بعده يحجي ورن الجهاز راح عباس يشوفه واشرلي ابقى واكف .. شو هذا صار وجهه اصفر وانكلب لوونه ودموعه بسرعه نزلن ;- يممممه شدتحجييييين لااااااا