لؤلؤات عبر الزمن

البـارت الأربــــعـــون

لا تنغَش واذا گالولَك شلونَّك
هاي الكلمةة بَس مِن الغُرب تنگال
مَ يحچيها واحد مفتهم لونَّك "

...............
" لـؤلـؤات عـبـر الـزمـن "
..بـ قلمي ˝فـاطـمه أحـمـد˝ ..

البـارت// الـأربعـون

❄️

ـ باوعلي وقبل مايحجي انفتحت الباب ودخلت .. غميت كصتي هايي راح تخرب الاول والتالي اني مو نبهتها مااتطلع كدام احد !

ـ السلام عليكم.

التفت يباوعلي رد السلام والتفتت يريد جواب مني وعلامات الاستفهام على وجهه ..

ـ هه الظاهر معرفتني اني ام زوجتك يعني عمتك ياانسيبي ..

التفت عليها وضحك بـ استهزاء ..
ـ اني الي اعرفه عمتي ميته هه !!

باوعلي وكال .. فيروزه اتمنى هسه توضحين كلشي !!

ـ وضحيله وضحيله خلي يعرف امج عايشه

ـ سكتت وكوه لازمه اعصابي شوي وكلتلها ..رجاءً اتمنى لو تتركينا وحدنا

ـ عيني مخطوبين ميصير وحدكم الشيطان اكبر منكم ههههههههاي لو هي هاي تربية اميمه الي تمدحين بيها وهي مخليتكم وحدكم

ـ كل الي بالبيت واثق منا واحنا واثقين من نفسنا ماراح نغلط ونبيع شرفنا موو ... سكتت
التفتت لـ قسام الي جانت ملامح العصبيه مبينه علي وشرايينه بارزه ..

لزمت ايده وكتله حبيبي اكعد ..
ـ هذه شهله اي شهله الي على اساس ماتت كلنا انخدعنا ، جانت تتاجر ممنوعات بالتسعينات ولزموها ومن مسجونه متفقه وي اميمه منطيتها فلوس وهيج علمود تكوللنا وتكول للناس كلها ان هي ميته .. وب سنه 2003 كدرت تطلع بـ العفو الي صار وجانت خاتله تخاف تواجهنا كل هلفتره وهذا كل الي صار ، واليوم هي كدامي هه ..

ـ فيروز عودد صدك تحجيييين!
التفتت الها ويحجي وهو صاك على سنونه
ـ اذا ماا ابتعدتي عن فيروزه صدكيييني صدكييني هذه المره سجنج اعدام .. عرسنا يتم بدونج اني راح اسكت عن السالفه لخاطر فيروزه ، تختفييين ومااريد مخلوق على الارض يشوفج ..

ضرب المزهريه وصاح مفهووووووم..
انكسرت المزهريه وايده نزفت دم واني عطت
ـ عزززا لك قسامم ايدك ايدك دتنززززف
احجي واني ارجف رحت جبت علبة اسعافات اوليه وكعدت ااداوي الجرح واعقمه وهو ساكت وقابض على ايده من العصبيه ..

عافتنا وراحت باوعت للجرح بسته ، ورفعت عيني صارت بعينه
ـ لتضوج منها نتمم عرسنا بدونها وصدكني راح يكون احلى عرس

تقرب وبنفسه الحار باس خدي وكال واثق منج راح تبيضين وجهي ..
خله وطلع بعدما كال ان ماراح يكول لاي احد من اهله ..

سديت الباب وراه ودخلت للصاله .. التفتت الها مبتسمه بـ استهزاء ..
ـ الله عليج ارتاحيتي هسه؟!
يعني شنو راح تستـفادين من راح تكوليله هاا!
لازم تخربين فرحتي ..
وتكولين ليش مجاي تتعودون علي .. المفروض تكسبينا الج مو تكرهينا بيج !!