لؤلؤات عبر الزمن

البـارت الثـامـن والأربـعـون

موكافي حزن ياكلبي مامليت؟
مثل دمعة يتيم اليوم حالك
بجيت هوايه حتى الدمع ملاّك
وطلب دمعك كلب ثاني إبدالك
وحقه الدمع لوملّك ومعذور
لأن ماكو كلب وفه بمثالك
شمالك ياكلب صدكت بالناس
وثقت بيهم عليمن شنهو اجالك
عافوك التحبهم وبرخص باعوك
ووفيت بحبك ومحد وفالك
اريدك ياكلب تنسالي الهموم. .
ولاتعتب بعد اكطع وصالك ..

...............
" لـؤلـؤات عـبـر الـزمـن "
..بـ قلمي ˝فـاطـمه أحـمـد˝ ..

البـارت// الـثامن والأربـعون

❄️

°• صـدف°•
بعدها فيروزه تحجي وتعيط سحبتها اخذها جوه ترتاح مو زين عليها وهي حامل مااحس الا وكعت من ايدي ..

نزلت عليها واباوعلها فيروززه فيروزه حبيبتي شبيج. تنوجعين
ماترد ماترد اااايهم تعال ساعدني ناخذها للمستشفى

طلع بسرعه جهز السياره واخذنا اجت رتيل على السريع كالت اجي وياكم خاف ماتكدرين وحدج
.. طول الطريق واني اقره ايات على راسها
يااارب احفظ الي اختي ولاتأذيني بيها يارب احميها واحفظها وابعد عنها كل مكروه يارب لاتحرمني منها بس هي الي بقت الي ماعندي
يلااا ايييهم يلاا بسرعه عفيه

وصلنا المستشفى واخذوها يفحصوها طردتني الدكتوره
ردت اضربها حييل نرفزتني ولاعبالك اكو بنيه يمها جاي تصارع الموت وهي ملتهيه تعيط عليّ ..

عفتها وطلعت بالباب انتظر تخلص فحوصات ..
شوي وطلعوها جانت تنزف وقفوا النزيف واجت دكتورتها ..
كالت لازم ترتاح وتنام هذه الاشهـر ..

اخذتها ورحنا رجعنا للبيت طول الطريق نايمه وماطلع الها صوت وصلنا للباب ابو قسام واكف على جهه يبجي ويمه ماهر والجيران ودينصبون جادر

التفتت لايهم
ـ جابوا جثه!!

ـ ماادري انزلي خل نشوف

نزلت صعدنا فيروزه ورجع ايهم كال مالكوا اله جثه بس كل الادله تكول هو ميت راح يسوون قبر وفاتحه ومن يحصلون جثه يدفنوا

ـ يعني ممكن اكو امل يكون عايش!

ـ تكون معجزه بلكي وصدك ماتشوفين اهله اخواته عياطهم واصل للشارع والام بالمستشفى على المغذيات والابو كاعد بالشارع ويبجي وفيروزه حاله بس الله يعلم بي

ـ ان شاء الله يرجعلهم سالم ومايكون بي شي ..

عافني وراح ، نزلت سويت شوربه وعصير برتقال لفيروزه وصعدته ماقبلت تاكل كوه قنعتها كلت شوي ونامت. .

حالتها لعدوي مااتمناها حييل تعبت ..

ثاني يوم اجه زيد واخذني جنت رايده ابقى بعد بس ماقبل لبست ملابسي وصعدت لفيروزه جانت كاعده بس تمثل النوم

ـ ادري بيج كاعده وتسمعيني ، اني اختج واتمنى الج الخير خليج قويه وخلي ايمانج بالله قوي حاولي تكونين دائماً بخير اذا مو على مود نفسج علمود الطفل الي بداخلج يحتاج ام تكون قويه وتعوضه عن كلشي راح يعيشه ، لاتبقين حزينه طول الوقت لان حزنج ماراح يرجع الي راح ، ولو يرجعه اني وياج نكعد نحزن على كل الي فكدناهم احنا هواي ناس خسرنا بحياتنا وتعودنا وعشنا وهاي احنا اليوم مو مثل البارحه يبقى الجرح بالكلب بس نبقى بصراع نفسي وي داخلنا حتى نعيش ونوكف على رجلنا لان لو نبقى العمر كله هيج كاعدين ماراح نتحسن الله وهبنا صفة النسيان وكلنا راح ننسى بمرور الوقت مااكلج لاتحزنين بس فرغي الي بداخلج وراها اوكفي على رجلج وتحدي نفسج علمود الي بطنج ..