لؤلؤات عبر الزمن

البـارت الخـامس والأربـعـون

...............
" لـؤلـؤات عـبـر الـزمـن "
..بـ قلمي ˝فـاطـمه أحـمـد˝ ..

البـارت// الـخامس والأربعـون

❄️

كاعده بصفي ورن التلفون رفعت .. زيد
جفلت واني اشوفها عيونها مخنزره علي
طلعت للمطبخ ركض رفضته وخليته بقائمة الرفض وكعدت اغسل بوجهي ..

اجاك الموت ياتارك الصلاة ..
بده كل واحد يروح لغرفته واني كاعده بالمطبخ اخاف ارجع ومنتطرتها تنام كل ظني نست او اجلتها على باجر
بس هيهات ..

الكل راح نام واني كمت اريد اشرد ..
فززني صوتها وهي تعيط
ـ صـددددف ...

استسلمت ورحت الها
ـ هاا يوم هاا

ـ هاا مو لج والله لو بحيلي جان عرفت شسوي بيج ..

ـ يوم من الاخير الولد وياي بالجامعه ويريد يجي هالاسبوع يخطبني

ـ ومايجي شنو منتظر

ـ عنده ظروف

ـ تمام ننتظر هالاسبـوع ونشوف

ـ اوك

عفتها وصعدت الغرفة ثاني يوم صار كدامي
ـ شوف زيد البارحه امي شافت رقمك من اتصلت ووعدتها تجي تتقدملي ولذلك عندك بس هالاسبوع

ـ هلاسبوع شدتحجين صدف!

ـ مااريد مقدم ولا مؤخر حبر على ورق بس تعال اثبت حبك الي احجزني وبعدين نفكر بعرس وغيرها وغيرها ..

.. .. .. .. .. .. .. ..

°• فيـروزه°•

مرت الاشـهر بسرعه وتخرجت ..
قررنا نسوي طفل وبقيت اراجع دكتوره وماكو اي شي ثنينا وضعنا الصحي تمام ..

مرت الايام بهدوء ..

يمنى بدت تتزعج من كعدة البيت .. والسبب كان واضح
مو ملل او شي من هذا النوع

جنت اعرف تحب ذاك الولد الي قابلته بعرگه الكليه ..
بس ماجانت تحجي
حتى من حصرتها وحاولت اسحب الكلام ماكو ..

اليوم امي اتصلت بيه جايين خطابه لصدف .. غيرت ملابسي ورحت اساعدهم ..
شو هذول بسرعه لبسوا حلقات وجايبين سيد عقدلهم وهاهيه .. وكالو نعوضها بالعرس

كلنـا تفاجأنا شنو هالتصرف غير خطوبه او حفله على الاقل بس الاهل

اني من شفتهم هيج اتصلت بالبنات اجو ورتيل اتصلت باامها واخواتها ..

وسوينـا حفله بسيطه بيناتنا نفرح بيـها صدف الي جانت علامات الغضب تطلع من عيونها ..

.. .. .. .. .. .. .. .. .. .. .. .. .. .. .. ..

°• مـريـم °•

سافـرنا لايطاليا اسبوع جان احلى اسبوع
جانت وحده من امنياتي ازور ايطاليا ..