لؤلؤات عبر الزمن

البـارت التـاسـع والثـلاثـون

ليش غادرت السفينه وانه جايبلك بحر، !؟

اخ لْـۆ بس ادري هسه شلونكم، ؟

بيش غثنك عيوني وغربتني، ؟

هوه التنشف دموعه علخده وگاعد مكابل صوركم ينترك، ؟

ماجاسك حزن روحي، ؟

ضيعتني وضعت ليش، ؟

چا ورد روحي الذابل شسوالكم، ؟

العاف ربعه كلها علمودك ليش عفته، ؟

ليش كدام اليكرهونه بعتنه، ؟_

ليش اليش من تنكال كلها اجاوب بمعلي، ؟

...............
" لـؤلـؤات عـبـر الـزمـن "
..بـ قلمي ˝فـاطـمه أحـمـد˝ ..

البـارت// الـتاسع والثـلاثـون

❄️

حجه ايهم وهو يوجهه الـ كلام لـ ماهر

ـ خااب كوم اقفل السياره ودخلها الكراج لا تنبـاك امشي ولك ..

ـ خايييب اييي ..

كام ماهـر بعده يريد يطلـع ومدنك يلبس حذائه ...

رفـع راسه وبقى صافن ..
التفتت يباوع النـا ويباوع على الي بره ...

تتنقـل عيونه علينا وعلى الي بره ..
كمت من يمي اشوف منو صارت كبالي وهي تدخـل ..

هالانسـانه للحظه ضنيت اني داتخيـل ..
بقيت اتلفتت الهـم كلهم يباوعون عليها .. يعني هذا مو حلم!!

هاي حقيقه!

الشي الي اني اشوفه مو وحدي !!

شهله الي هي امييي ..
عايييشه!!؟
زين شلوون؟؟

صدف بقت على وضعها مبتسمه بـ استهزاء .. اعقدت ماعرفتها..

لحدما همست اميمه. .
ـ شهله انتي شجابج؟!

ـ اجيت ياا اميمه اجيت ، اتحديت نفسي واجيت ، اجيت ابين الحقيقه الي صارلها 19 سنـه مدفونه بكلبي ..

قاطعتهم واني اتلمس بوجهه

ـ انتي عايشه .. يمممممه!!
اااخ يمممه!! شلووون شلووون

حظنتني ونزلوا دموعها وحجت بشهكه
ـ كبرتي يـفيروزة كبرتي يبعد امج ااخ يااكلمه يممه الي نحرمت منها كل هذا السنين!

أيـهم ـ يصير تخلصووون هذه الدراما وتفهمونا القصه شنو؟!

ـ ايهم يممه مامشتاقلي تعال يبعد امك واهلها تعال ..

فتحت اديه اله وهو دار وجهه وكعد ..
كعدنا كلنا واحنا نسمعها ..

سولفت السالفه بما انزلت ..
ماعرفت شنو احساسي .. افرح لان رجعت واني محتاجتها هوااي لو احزن لان كذبت علينا كل هذه السنين وخفت عنا الحقيقه ..