لؤلؤات عبر الزمن

البـارت الأربـع والأربـعـون

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// الـرابـع والأربعـون

❄️

°• مـريم °•

كاعده واشتغل دخل حيدر مبتسم وضام وراه شي ..

باوعتله ورفعت تگ حاجب ..
ـ وين جنت استاذ حيدر! وشنو الي وراك

ـ مفاجأه

ـ اوووي حبيبي
كمت وكفت كباله بسته بخده وكتله يلا خل نشوف شنو هي
طلع اوراق من وره ظهره وخلاهم بوجهي ...

سحبتهم منه اركز هذه اوراق سفر رفعت راسي باوعتله .. شنو هذا!

ـ اوراق سفر !!

ـ لوين؟

ـ. لـ ايطاليا

ـ كول والله

ـ والله

نكزت وحظنته .. صدك تحجي لو تقشمر علي

ـ وداعتج مامقشمر عليج وهاي الاوراق كدامج بس هاا

ـ هاا!؟

ـ ملوكه نبقيها يم اهلج لان نريد نتونس وحدنا ونريد نحس نفسنا مخطوبين وبلا اطفال وبلا شي تمام؟

ـ لا حبيبي شلون تريدني افاركها غير بنتنا

ـ يوم البتنا ويوم النا خليها هو اسبوع ماراح نتأخر بعدين هي عند اهلج وكل يوم نخابرهم ونفتح كامره وياهم ونسولف اطمني

ـ اوف تمام

ـ لتضوجين خليج فرحانه

ـ وشوكت نروح

ـ الخميس الجاي

ـ شكراً حبيبي شكراً لانك جاي تتعب علمود بس تفرحني شكراً هواي هواي اني لو تدور الدنيا كلها ماراح الكه رجل مثلك مددلني ويحبني ويساعدني ووياي بكلشي ..
احبك كلش

.. .. .. .. .. .. .. .. .. .. .. ..

°• فيـروزه °•

ركبنا الطياره وجانت هاي اول مره اركبها .. صعدت واني خايفه ولازمه ايد قسام مجرد ماطارت حسيت كلبي طار وياها..

مغمضه عيوني وراسي على صدر قسام واقره ايات بداخلي ..
همس يم اذني ..
ـ حبيبي تره ماكو شي شوفي هسه احنا بالهوا لتخافين

رفعت راسي وباوعتله بتك عين
ـ هاي انت عود جاي تهدئني!

ـ يعني نكدر نكول هيج ..

باوعت صدك احنا طايرين والغيوم شكلها يجنن ..
بده الخوف يروح مني ..

نزلنـا بمطـار انقـره ..
وصلنـا ب1 الظهـر .. دخلنا الفندق وتغدينـا ونمنا شوي ..
لليل سبحنا وغيرنا ملابسنـا وطلعنـا نستكشف شوارع انقره ..

الشوارع تجنن والاماكن واحد احلى من الثاني بقينا لليل نفتر ثاني يوم كعدنـا من الصبـح ..
رحنـا لاماكن حلوه وبحيرات .. وراها ركبنا تلفريك ..