لؤلؤات عبر الزمن

البـارت الخامـس عـشر

ياهو اليردني الذيچ الايام
طيفك الليله بيا جفن نام
چا ماگلتلي انته حزني
الليله كلهن يوجعني
مگابل شبابيچك وغني
هان العشگ يربات حضني

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// الخامـس عـشـر

❄️

فيروزه •

طلعت من البيت للمدرسه الصبـح وياي صدف داومت واخيراً ، اليوم احد والمفروض باجر يروحون يخطبون لماهـر ،

..صار بوجهي قسـام
نزلت عيـوني وباوعت لصدف تباوع علي وتضحك.

صدف ـ هلاووو   .

قسام ـ هلا صدف شلونج صحتج شلونها.

صدف ـ زوينه،  فيروزه هواي ساعدتني الفضل لله ثم الها.

قسام ـ اختج بعد،  شلونج فيروزه ؟

فيـرزه ـ زينـه، انتم شلونكم.

قسام ـ الحمد الله بخيـر دامكم بخيـر.

فيروزه ـ تسلم،  يلا صدف راح نتأخر عندي اول درس امتحان ، يلا من رخصتك.

ـ اي جان خليتينا نشوف شنو يريد.

ـ شيريد مثلاً،  سلم وهاهيه كافي صدف سوالفج بطليها.

ـ ولج الولد كالج احبج المفروض ........قاطعتها،

ـ كافي لخاطر الله يعني اكولج كلمه ابتلي على عمري شلوون بيه !!!

ـ هممم سكتت .

ـ احسن يلا امشي.

..دخلنـا المدرسه واجت سجى تركض بس شافتني ،

ـ هلو صدف شونج،  من رخصتج اريد فيروزه بكم كلمه.

ـ ايي اخذيها.

..اخذت جنطتي شمرتها على الرحله مالتي وطلعنـا بالساحه.

ـ تعاليلي كوليلي شفتي هسه من اجيتي.

ـ منو؟

ـ قساااااام  ، يالثولاه.

ـ هاا لا.

ـ ليش ؟! شعجب؟! معقوله ميطلع الصبح ؟! يعني مو طالب حجتهن كلهن دفعه وحده واني فاتحه حلكي عليها ماوقعتها هيج بنيه ..

رديته.. شبييج سجى طبعاً مو طالب الرجال مشفتي  مو عمر جامعه!! زيين ،
بقت تحجي وي نفسها والتفتتلي من خلصت ..

ـ اكلج يعني انتي ماتعرفين شنوو يشتغل وظيفته اي شي يخصه.

ـ لا بس اعرف هو ممرض ومسعف.

ـ شلون صاير هاي.

ـ شمدريني ، اي اسأله ثانيه اريد اروح اراجع الكيمياء عدنا امتحان .

ـ دعوفيي الامتحان يمعووده.
كوليلي شكم نفر همَ هواي لو قليل  شنو وضعهم المادي اطاگين لو عادي تعاملهـم شلـونه عصبيين لو اجتماعيين.