لؤلؤات عبر الزمن

البـارت الخـامس والثـلاثـون

شكد بيه عتب بس ادري راح تروح
ولو يرتاح كلمن سولف بهمه
ردنه نصير واحد بس بقينه ثنين
انتهى لبيناتنا وكلمن مشه بحلمه ..

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// الـخامـس والثـلاثـون

❄️

°• صـدف °•

رجعت من الخطبه تعبانه مباشرةً نمت ..
فزيت على صوت الموبايل الي صرع راسي وهو يرن ..

كمت اني افرك بعيـوني ..
الي ديتصـل رقم يس خازنته بالجهـاز ..
باوعت هذا الرقم مو غـريب علي ..

رفعت الجهاز ..  الوووو

ـ الوو صدفه دتسمعيني؟

ـ منوو

ـ زيد

ـ زيد منو؟ غلطانين خويه غلطانين ..

طفيته ورجعت نمت ..
كعدت الصبـح تريگت وغسلت ودخلت اسبح ..

اجتني فيروزه.. اكلج هذا مو موبايلج صار ساعه يدك شوفي منو؟

انطتنيا وراحت .. رفعت المكالمه بـ عصبيه وكتله
ـ غلطااانين مو كلنه مااعرف واحد اسمه زيد شلزكتوا لخاطر الله

ـ اني زيد صديقج بـ الكليه طبعاً متعرفيني لان اني اخذت رقمج من صديقتج اتوقعت ماخذه رقمي وخازنته فـ لذلك اتصلت البارحه

ـ بس لا انت الغثيث التركض وراي

ـ شنو هالگلام

ـ قابل مگـذبه لك بابا استحي على نفسك ، معجب بيه مثل مااخذت رقمي اخذ عنواني وتعال اخطبني عود ذاك الوقت افگـر اوافق لو لا مو تجيني بـ اتصـال وتريد تسولف ..

غلقته بوجهه وطفيت الموبايل علمود مايتصل بعد ابد ..

.. .. .. .. .. .. .. .. .. .. ..
°• ماهـر °•

فرحتي بـ خطوبتي جانت لاتوصف .. حُـبي الها مايوصف بـ كلمه .. الانسانه الي احبـها من سنين .. صارت الي

انتهى بيه المطاف واني ادگ بابهم ..

دخلت للـ حديقه وكفت انتظرها .. شوي وطلعت جنها لعابه من تمشي ..

ـ هاا حبيبي

ـ شونج يبعد هلي عساج بخيـر

ـ بخير مادامك بخيـر يالغالي شونك انت اخبارك ، شغلك شلونه؟!

ـ لزمت ايدها وبستها مرتين ورفعت عيوني ..

بقينـا نسولف سوالف مخطوبين شوي وطلعت رحت للمكتب كملت شغلي ومناك رديت للبيت ..

لليل واتصلت بيهـا ..

ـ شونج يبعد هلي.

ـ زينه.