لؤلؤات عبر الزمن

البـارت السابـع والعشـرون

التجيبه الصدفه مره يجوز
ترجع تأخذه الصدفه  ..

أيهاب المالكي ✍️

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// السابـع والعـشـرون

❄️

صاح أيـهم الصدف الي جانت لازمه الدرنفيس وتعدل بـ گيبـل التلفيـزيون علمود تشغل اغاني ،   لان جان بي خلل وتريد تشغله ..

صاحلها أيهـم .. وراحت تشوفه

رجعت تشغل التليفـزيون ..

ومنسمـع غيـر صرختها ..الحگـوووووولي ..
كلنـا ركضنـا وراها .. ركضت واشوفها واكعه بالكاع ايهم ماخلانا نلمسها مباشرةً اتصل بالاسعاف ..

بقيت كاعد اضرب على وجهي وابجي .. راحت اختيي يممه راااحت رااحتتت يمممه ولج بعد اختج ولج صدفه تسمعيني يبعد روحي

وضحه يمي ساكته ودموعها تجري وحاظنتني ، جانت رايده هي تشوفها او تعالجها بس ماهر منعها خوفاً يصير خطأ او شي ، عالاقل هناك مستشفى واجهزه وهيج

.. بقى يفتر بقلق وايهم كاعد يمها يتفحصها بدون ميلمسها ..

شوي واجو الاسعاف دخل قسام وياهم بس شاف الاسعاف دخلت النـا ..

شالوها بحذر واخذوها للمستشفى ، ركضت وره أيهم وماهر وصعدنا اني واميمه وياهم بسيارتهم والاسعاف كدامنا ..

بقينـا يمها سوولها اشعه وهواي اشياء كالوا لازم تبقى يمنـا والحمد الله الله ستـر عاشت هيج حالات مستحيل تعيش لان الصعقه الكهربائية سرت بكل جسمها ..

بقيت يمها انـي واميمه ..
يومين وبدت شـوي تتحسن بس جسمها تكول احسـهه تعبان ..

العقـد بقى اله 4 ايام واحنـا التهينا بـ صدف وكله طار ..

كمنـا نجهز كلشي سـريع .. حجزنا صالـون واشتريت فستان ونظفنـا البيت .. حجزنـا كيكه وحجزنـا مصوره واشترينـا اللوازم الباقيه ..

.. لابسـه الفستان .. جان ذهـبي ملمع ، نازك وحلو مخصـر على الجسم وبسيط ، وطويـل ..
تسريحـه ماسويت بـس رفعت شعـري شوي ..

.. مكياجي خفيف كلش ، كاعده والارتباك يقره الف عندي ، شوي وكالـوا يلا نعقدلهم ، كعدوني يم البـاب والسيد عقدلنـا ..

كلبي يدك يدك سررريع .. رجعت لـ مكاني والهلاهل كامت متعرف منين مامنين ..

شوي ودخلـوا اهل العـريس خالاته وامه اجو من زمان بس البنات كالوا ديجهزن بنفسهن ورايحـات صالون .. دخلـوا البنات كلهـم  ، يمنـى ويسـرى وقمـر وجمانـه وثنين بنات مااعرفهم ..

بس دخلـوا اجتني جمانه تضحك ، والتموا البنات يمي ..

جمانـه ـ هاا ولج لووتيه واحنا صار شهر نكول منو تخطب منو تخطب تالي طلع يريد يخطبها ..