لؤلؤات عبر الزمن

البـارت السـادس

كون اذل العافني بكد ما بجيت
كون اخلي كليبي ما يرتاحلك
وكون اخلي الرايدك يندم عليك
وكون اسألك بلا هو شضافلك !
وكون اخلي وكون اخلي ليمته هيج ..
"انسى كلشي ﭑليوم احس مشتاقتلك"

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت// الـسادس

❄️

°• حيـدر °•
كاعديـن على النهـر ونسـولف وشباب ولمه وندخـن..

عثمان .. السلام عليكُـم شبـااب

..وعليكم السلام تفضل؟!

عثمان..لابس احنا لمـة شباب من ذيـج الجهه گاعـدين وشفنـاكم تدخنون كلت اخذ منگم لان والله ناسين بلبيت الاركيله والجاكاير مالاتنا
، واذا ماكو زحمه تنطونا كم جگـاره.

حيـدر .. يمعـود انـي ادري الواحد يطلب اكل يطلب ملابس يطلب سيـارة مثلاً يطلع بيها بس جگـاره!

عثمـان..تنطوون لو لا !!

حيـدر ..انطي عمي ..صلاح لا يروح يگـدي علينا.

عثمـان..شوو انت ماتسـحتي

حيـدر ..خليت المستحه الك يبو ..جگااااااره !

عثمـان.. لااعاد صبررت عليك هووواي..

وهجم على حيدر بوكسات وضرب
والشباب يحاولون يفاككوهم ..

اخـر شي عافه وكام وهو يهدد
..اسـمع لك ابووي بلحـزب وهذا راسك اذا مااطيره فلا اتسمى عثماان فااهم لو تريد ارجع افهمك ..

حيـدر..يمسـح الدم من حلگه ويستهزء بـ عثمان
ابوو بالحـزب ويجـي يطلب جگاره ، دككم لگ
^^^^^^^ يهدد .

همام .. كاافي حييدر هييج ناس تدور المشاكل علمود بس ياخذوك هاي هسه تورطت
تعال منـو الي يطلعك من هل مصيبه الوكعت عليها ..دستلم!!

حيـدر .. اووووهو وهسـه انتم صدگتـوا هذا الـ ^^^^^^ وخفتوا منا شبييكم يمعـوديين دكعـدواا گعدوا ..
تريدون جكاره؟!

ويضحك ويستهزء بالوضع ..
وگمل الوضع طبيعـي ..

شالوا اغراضهم ويـردون يرجعـون للبيت ..

همـام ..شبـاب تعالوا يمي اليـوم عازمگم على الغده ، مابيها مجال ، الوالده مسوويه ذااك السمج الي تاكلون اصابعگم وراه ..

.ماكالوا لا كل واحد لبس جاكيته وطلعوا لـ بيت همام صديقهم ..

دخـل وتغـدوا وكـعدوا يشربون جايـاتهم ..
واندگـت الباب ..

همام ..انـي ارروح

لبست نعالي والباب احترك الدك ماوكف ..
فتحته وصار بوجهي الامن ..

بخوف كلت الهم
ـ هاا عينـي تفضـلوا !؟

حيدر ..
كاعدين ننتظر همام ونشوف منو اجه ..
جابر ..لكك شووف حييدر الحزب بلباب لك كووم بسـرعه اشرد يمعود راح يدخلوون