لؤلؤات عبر الزمن

البـارت العـاشر

من اخر حلم كاتب رسايل شوك
لاخر دمعه ظل بيها الكلب محروك
لابيه واعذرك واصبر اعله الفات
ولا انه المشئ من يرخص السوك
العذر مرهم تهيسه بكل بدايه يصير
لاجن لو كثر يبقئ الكلب مطكوك

لــ #فيصل_عاشور

...............
” لـؤلـؤات عـبـر الـزمـن “
..بـ قلمي ˝فـاطـمه أحـمـد˝ ..

البـارت//العـاشـر

🎻

فـيـروزه ..

2004 / 6 / 5

كاعده ادرس ويمي صدف تظفر بــ شعرها
اجتنا اميمه

هالانسانه ماعدها غيرنا ..

_يلا  عوفن البيدجن وكومن ساعدني يلا بنات شهيله والله خوش خلفتجن وذبتجن عندي

_كمت وكفت بوجها ورفعت اصبعي اهدد وكلتها
مااسمحلج تحجين على امي بــ أي كلمه فاااهمه والا تعرفين شااسوي

_هاا اي ايي رايحه بس فكيني خلصيني الله لايطيج بت شهله..

حجيت بداخلي والله وكت بت شهله تهدد اميمه يلا الجاي اقوه

كعدت وجريت حسره ورجعت فتحت كتابي
تقربت صدف..

_اكوول فيو اموت واعرف بــشنو تهددين هالانسانه وهيج تبقى تتراجف علميني اني اختج هم يجي يوم واهددها بلكي تجر عدل

كفختها على راسها بلكتاب
_لج شعليج  انتِ عليج بدراستج ومصايبج وبس عوفج مني هاي اني اربيها اذا ماامشيها على الصراط المستقيم مااطلع بت ابوي

شمرت الگتـاب ورحت وراها

..ها عمـه خل اساعدج

..اذا عادي تعالي واذا ذيج السالفه لا مااريد

.. لا لا شوي سوالف واخر الاخبـار ..وغمزتلها

طلعنـا للتـرك وكعدت تسوي بالعجيـن واني لازمـه الغطا مالت التنور..
..ايي عممه البارحه هو جان طالع وي أيهـم ومن رجع كبل نام مااكتب الها  او اي شي

..وانتي صارلج ساعه خابصتني علمود تكولين هالكلمتين يمفلوكه اني ااعرف هو رجع وانغـمد شسوي بهالحجي ، اريدج بعد شوي تروحيـن يمهم تكعدين من يجون بحجة حلويات ، دراسه، اي شي

..تمام

- دخلـت وضحه راجعه من الجامعه لابسه تنوره وستره وشگلها وهي قريباً تأخذ شهادة الدكتوراه بعد دراسة ماجستير سنتين وهاي السنه الثانيه دكتورا وبعدلها سنه وتخلص وتحقق حلمها..

..السلام عليـكم

..هلا وضحه اكلج اريد احجي وياج وره الغده عادي؟

..ايي عادي

اميمه .. يمفلوگـه شلونج اليوم بالامتحانات

..زينه يممه زينه
حجتها وهي تمشي وراحت ..